02.07.2026 | 16:56
Ինչ-որ մի տեղում բեռնատարները կանգնել են նաև լեզվական խնդիրների պատճառով. Փաշինյան․ ՏԵՍԱՆՅՈՒԹ
Իրանի խորհրդարանի խոսնակը Թրամփին սպառնում է «անմոռանալի դասով» նոր հարձակման դեպքում
Քաղաքականություն
12.01.2026 | 20:54
Թեհրանում կառավարությանն աջակցող հանրահավաքի ժամանակ Իրանի խորհրդարանի խոսնակ Մոհամմադ Բաղեր Ղալիբաֆը վերջին մի քանի շաբաթների ընթացքում Իսլամական Հանրապետությունը համակած բողոքի ալիքին իշխանությունների արձագանքը որակել է որպես «պատերազմ ահաբեկիչների դեմ», գրում է France 24-ը։
Իրանը «չորս ճակատով պատերազմ» է մղում, ասել է Մոհամմադ Բաղեր Ղալիբաֆը՝ թվարկելով տնտեսական պատերազմը, հոգեբանական պատերազմը, «ռազմական պատերազմը» Միացյալ Նահանգների և Իսրայելի հետ, իսկ «այսօր՝ պատերազմ ահաբեկիչների դեմ»։
«Մեծ իրանական ազգը երբեք թույլ չի տվել թշնամուն հասնել իր նպատակներին»,- ասել է նա՝ «Մահ Իսրայելին, մահ Ամերիկային» կարգախոսներով շրջապատված։
Նա նաև հայտարարել է՝ իրանցի զինվորականները ԱՄՆ նախագահ Դոնալդ Թրամփին «անմոռանալի դաս» կտան նոր հարձակման դեպքում։
Թարգմանությունը՝ Էմմա Չոբանյանի
