31.10.2026 | 12:34
Կյանքի թանկացման դեմ բողոքի ցույցերը տարածվում են Եվրոպայում․ ակցիաներ են եղել նաև Իտալիայի ավելի քան 60 քաղաքում
ՖԱՖ-ն ամփոփել է տարին, Էդուարդ Սպերցյանը մրցանակի է արժանացել
12.01.2026 | 16:16
ՖԱՖ երկրպագուական շարժումն ամփոփել է 2025 թվականը։ «ՖԱՖ համակրանք» մրցանակին արժանացել է Հայաստանի ազգային հավաքականի ավագ, ռուսական «Կրասնոդարի» կիսապաշտպան Էդուարդ Սպերցյանը, հաղորդում է ՖԱՖ-ի մամուլի ծառայությունը։
«Հունվարի 11-ին FAF-ի տանը տեղի ունեցավ մեր ֆան շարժման ամենամյա ավանդական միջոցառումը` FAF համակրանքը, որի ընթացքում ամփոփեցինք բուռն և թեժ ստացված 2025 թվականը:
Միջոցառմանը ներկա էին ազգային հավաքականի գլխավոր մարզիչ Եղիշե Մելիքյանը, ազգային և երիտասարդական հավաքականի ֆուտբոլիստներ, լրագրողներ, հայկական ու միջազգային ֆան ակումբների անդամներ։
Պարգևատրվեցին տարվա ընթացքում աչքի ընկած շարժման լավագույն և ամենաակտիվ անդամները, իսկ 17-րդ «FAF համակրանք» մրցանակը իր կարիերայում արդեն երկրորդ անգամ նվաճեց Էդուարդ Սպերցյանը:
Արդեն 4-րդ տարին անընդմեջ անցկացվեց նաև հատուկ` «Լավագույն երիտասարդ ֆուտբոլիստ» անվանակարգը, որտեղ մրցանակին արժանացավ երիտասարդական հավաքականի և «ԲԿՄԱ»-ի ֆուտբոլիստ Նարեկ Հովհաննիսյանը։
Արդեն 2-րդ անգամ հանձնեցինք «Տարվա ամենաֆուտբոլային լրագրող» մրցանակը, որը կրում է մեր լավ ընկերոջ, հայակական ֆուտբոլի իսկական նվիրյալ երջանկահիշատակ Դավիթ Մարտիրոսյանի անունը։ Այս անվանակարգի հաղթողը դարձավ «Ֆասթ Մեդիայի»-ի լրագրող և մեկնաբան Արման Աբելյանը»,- նշված է հաղորդագրության մեջ։
