11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Թրամփը հայտարարել է, որ Վենեսուելայի նկատմամբ ԱՄՆ վերահսկողությունը կարող է տարիներ տևել
Քաղաքականություն
08.01.2026 | 16:03
ԱՄՆ նախագահ Դոնալդ Թրամփը հինգշաբթի առավոտյան New York Times-ում հրապարակված հարցազրույցում ասել է, որ «միայն ժամանակը ցույց կտա»՝ որքան ժամանակ Միացյալ Նահանգները կպահպանի Վենեսուելայի նկատմամբ վերահսկողությունը, գրում է Reuters-ը։
Հարցին՝ դա կլինի երեք, վեց ամիս, մեկ տարի, թե՞ ավելի երկար, Թրամփը պատասխանել է. «Ես կասեի՝ շատ ավելի երկար»։
«Մենք այն կվերականգնենք շատ շահավետ ձևով։ Մենք օգտագործելու ենք նավթը, մենք նավթ ենք վերցնելու։ Մենք իջեցնում ենք նավթի գները և Վենեսուելային փող ենք տալու, որի կարիքը նրանք հուսահատորեն ունեն»,- ասել է Թրամփը։
Նա հավելել է, որ ԱՄՆ-ը «շատ լավ հարաբերությունների մեջ է» Վենեսուելայի ժամանակավոր նախագահ Դելսի Ռոդրիգեսի կառավարության հետ։
Երեքշաբթի Թրամփը հրապարակել էր Վենեսուելայում ԱՄՆ-ի շրջափակման տակ մնացած մինչև 50 միլիոն բարել վենեսուելական նավթի վերամշակման և վաճառքի ծրագիրը, ինչը ևս մեկ նշան է այն բանի, որ Վաշինգտոնը համակարգում է գործողությունները Վենեսուելայի կառավարության հետ անցյալ շաբաթավերջին նախագահ Նիկոլաս Մադուրոյին ձերբակալելուց հետո։
«Նրանք մեզ տալիս են այն ամենը, ինչ մենք անհրաժեշտ ենք համարում»,- ասել է Թրամփը՝ նկատի ունենալով Վենեսուելայի կառավարությանը։
Թարգմանությունը՝ Էմմա Չոբանյանի
