14.02.2026 | 13:49
Աշտարակ համայնքին է վերադարձվել 4 հա մակերեսով հողամաս․ Դատախազություն
Մահացել է վաստակաշատ մարզիչ Վիկտոր Աղաջանյան-Նովենցը
30.12.2025 | 17:54
Կյանքից վաղաժամ հեռացել է ԽՍՀՄ սպորտի վարպետ, բասկետբոլի վաստակաշատ մարզիչ Վիկտոր Աղաջանյան-Նովենցը, հաղորդում է Հայաստանի բասկետբոլի ֆեդերացիայի մամուլի ծառայությունը։
«Իր բազմամյա և նվիրված աշխատանքի ընթացքում նա մեծ ավանդ է ունեցել հայկական բասկետբոլի զարգացման գործում։
Վիկտոր Աղաջանյան-Նովենցի սաները դարձել են Հայաստանի չեմպիոններ, ներկայացրել են մեր երկիրը տարբեր միջազգային առաջնություններում:
Վերջին տարիներին նա իր մասնագիտական գործունեությունը ծավալում էր Արաբկիրի համալիր մարզաձևերի մարզադպրոցում՝ շարունակելով իր փորձն ու գիտելիքները փոխանցել երիտասարդ սերնդին։
Հայաստանի բասկետբոլի ֆեդերացիան խոր ցավակցություն է հայտնում Վիկտոր Աղաջանյան-Նովենցի ընտանիքին, հարազատներին, սաներին և բասկետբոլային ողջ հանրությանը՝ կիսելով նրանց վիշտը»,- նշված է ՀԲՖ-ի ցավակցական ուղերձում։
