09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պուտինը շնորհավորել է Նիկոլ Փաշինյանին, Ռոբերտ Քոչարյանին և Սերժ Սարգսյանին Նոր տարվա կապակցությամբ
Քաղաքականություն
30.12.2025 | 14:15
Ռուսաստանի նախագահ Վլադիմիր Պուտինը Նոր տարվա և Սուրբ Ծննդյան տոների կապակցությամբ շնորհավորանքներ է հղել Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին, հաղորդում է Կրեմլը, գրում է ՌԻԱ Նովոստին։
«Ռուսաստանի նախագահ Վլադիմիր Պուտինը Սուրբ Ծննդյան և գալիք տարվա՝ 2026 թվականի կապակցությամբ շնորհավորական ուղերձներ է հղել օտարերկրյա պետությունների և կառավարությունների ղեկավարներին։ Նրանց թվում են Ադրբեջանի Հանրապետության նախագահ Իլհամ Ալիևը, Հայաստանի Հանրապետության նախագահ Վահագն Խաչատուրյանը և Հայաստանի Հանրապետության վարչապետ Նիկոլ Փաշինյանը»,- հաղորդում է Կրեմլը։
Բացի այդ, շնորհավորանքներ են ուղղվել մի շարք օտարերկրյա պետությունների և կառավարությունների նախկին ղեկավարների, մասնավորապես, Կուբայի հեղափոխության առաջնորդ Ռաուլ Կաստրոյին, ՀՀ նախկին նախագահներ Ռոբերտ Քոչարյանին ու Սերժ Սարգսյանին, Ղազախստանի նախկին առաջնորդ Նուրսուլթան Նազարբաևին և Գերմանիայի նախկին կանցլեր Գերհարդ Շրյոդերին։
Թարգմանությունը՝ Էմմա Չոբանյանի
