27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Մարդկանց մարդատար մեքենաներից պետք է տեղափոխենք տրանսպորտ. Ավինյան․ ՏԵՍԱՆՅՈՒԹ
Հասարակություն
29.12.2025 | 12:10
«Տրանսպորտի ոլորտում մենք Երևան քաղաքում ավելացրել ենք ավտոբուսային գծերի քանակը և շարունակելու ենք դա անել, որովհետև առաջին հերթին հետիոտնին առաջնահերթություն տալը, և երկրորդ հերթին հանրային տրանսպորտին առաջնահերթություն տալը այլընտրանք չունի»,- այս մասին տարեվեջյան ամփոփիչ ասուլիսում հայտարարեց Երևանի քաղաքապետ Տիգրան Ավինյանը։
Երևանի քաղաքապետն ասաց, որ ապագայում պետք է մարդկանց մարդատար ավտոմեքենաներից տեղափոխել տրանսպորտ․ ըստ Ավինյանի՝ այդ ճանապարհով հնարավոր կլինի կառավարել խցանումները։
«Սրա մասին է նույն Աջափնյակի կայարանի կառուցումը, սրա մասին են նոր գնվող տրոլեյբուսները՝ 45 հատ, սրա մասին է 250 հատ 18 մետրանոց ավտոբուսների գնումը, որը պետք է իրականացնենք մոտ 2 տարի հետո։ Եվ կարծում եմ՝ էս ոլորտում մենք 3-5 տարի հետո ունենալու ենք վերջնականացված հանրային տրանսպորտի բարեփոխում, ամբողջական շարժակազմ, որը պլանավորված էր այս քաղաքը սպասարկելու համար, և ունենալու ենք ընթացքի մեջ Աջափնյակի կայարանի շինարարություն»,- նշեց Ավինյանը։
Մանրամասները՝ տեսանյութում։
