14.02.2026 | 22:27
ՔԿ-ն անդրադարձել է կաթողիկոսի նկատմամբ քրեական հետապնդում հարուցելուն
Վստահ եմ՝ Սպերցյանը կմնա «Կրասնոդարում»․ Նոբել Առուստամյան
26.12.2025 | 14:25
Ռուսաստանցի մեկնաբան ու լրագրող Նոբել Առուստամյանը կարծիք է հայտնել Հայաստանի ազգային հավաքականի ավագ Էդուարդ Սպերցյանի՝ Ռուսաստանի չեմպիոն «Կրասնոդարում» ապագայի վերաբերյալ։
«Վստահ եմ՝ Սպերցյանը կմնա «Կրասնոդարում» և ամեն ինչ կարգին կլինի, եթե խոսում ենք այս մրցաշրջանի մասին։ Հասկանալի է՝ նրանք առաջին տեղում են, մեկ միավոր են գերազանցում «Զենիթին», իսկ առջևում չեմպիոնության համար պայքարի վճռորոշ փուլն է։ Ոչ մի տարբերակ չեմ տեսնում, որ Սերգեյ Գալիցկին կվաճառի նրան։ Պարզապես ոչ մի տարբերակ»,- ասել է Նոբել Առուստամյանը «Коммент.Шоу» յութուբյան ալիքի եթերում։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 168 հանդիպում, խփել 53 գոլ ու կատարել 45 ասիստ։ Ռուսաստանի ընթացիկ առաջնությունում 25-ամյա կիսապաշտպանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Հայ ֆուտբոլիստի պայմանագիրը «Կրասնոդարի» հետ նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
