20.02.2026 | 14:30
Ադելիա Պետրոսյան․ Այսպիսի ելույթից հետո բարդ կլինի վերադառնալ Ռուսաստան
Ավտոմեքենաների առուվաճառքի պայմանագիրը հնարավոր է կնքել օնլայն․ արդեն 500-րդ գործարքն է կնքվել․ Արմեն Ղազարյան
Հասարակություն
25.12.2025 | 19:21
«Ավտոմեքենաների առքուվաճառքի պայմանագիրը հնարավոր է կնքել օնլայն, չորս ամսվա ընթացքում արդեն 500-րդ գործարքն է կնքվել», – Factor TV-ի հետ զրույցում հայտնել է ՆԳՆ փոխնախարար Արմեն Ղազարյանը։
Նա նշում է, որ տրանսպորտային միջոցի առցանց առուվաճառքի հարթակը ՆԳ նախարարության որդեգրած թվայնացման գործընթացի շրջանակում պետական համակարգում կյանքի կոչված առաջին և խոշոր նախագծերից մեկն է։ Ավտոմեքենաների վաճառքի օնլայն ձևակերպումները հնարավոր է կնքել car.mia.gov.am կայքի միջոցով։
Քաղաքացիները հնարավորություն ունեն առանց Հաշվառման-քննական բաժին այցելելու՝ ցանկացած վայրից, ցանկացած ժամի պարզեցված ընթացակարգով իրականացնել տրանսպորտային միջոցի ձեռք բերման, վաճառքի ու գրանցման գործընթացն ընդամենը մի քանի րոպեում։ Դա հնարավորություն կտա խուսափել հերթերից և ժամանակի կորստից։
Արմեն Ղազարյանի հետ Factor TV-ի հարցազրույցն ամբողջությամբ դիտեք 21:30-ին՝ այստեղ։
