03.04.2026 | 12:14
Բողոքի ակցիա Գլխավոր դատախազության մոտ Հանրային հեռուստաընկերության գործունեության հետ կապված․ ՈՒՂԻՂ
Ռուսական զորքերը հարվածել են Օդեսայի նավահանգստային ենթակառուցվածքներին. զոհ կա
Քաղաքականություն
25.12.2025 | 14:12
Ռուսական զորքերը դեկտեմբերի լույս 25-ի գիշերը հարձակվել են Ուկրաինայի Օդեսայի մարզի արդյունաբերական և նավահանգստային ենթակառուցվածքների վրա: Մեկ մարդ զոհվել է, երկուսը՝ վիրավորվել, հայտնել է մարզային վարչակազմի ղեկավար Օլեգ Կիպերը, գրում է Current time-ը։
Հարձակման հետևանքով վնասվել են վարչական, արտադրական և պահեստային օբյեկտներ։
Օդեսայի իշխանություններն ավելի վաղ հայտնել էին էլեկտրաէներգիայի նոր անջատումների մասին, սակայն դրանք վերագրել էին էներգետիկ ենթակառուցվածքների վրա նախորդ հարվածներից մեկի հետևանքով վթարին։
Ուկրաինայի ռազմաօդային ուժերի տվյալներով՝ գիշերը Ուկրաինայի վրա հարձակվել է 131 ռուսական անօդաչու թռչող սարք, որոնցից 106-ը չեզոքացվել են։
«Գրանցվել են 22 հարվածային անօդաչու թռչող սարքերի հարվածներ 15 վայրերում»,- ասվում է հաղորդագրությունում։
Թարգմանությունը՝ Էմմա Չոբանյանի
