05.10.2026 | 18:19
Ինչպե՞ս կարդալ 21-րդ դարում․ շուրջ 700 ուսուցիչ մասնակցել է մասնագիտական քննարկումների
Վայք համայնքի սեփականության իրավունքն է վերականգնվել 1 հա մակերեսով հողամասի նկատմամբ. Դատախազություն
Հասարակություն
25.12.2025 | 10:15
ՀՀ գլխավոր դատախազությունից հայտնում են, որ 2025 թվականի դեկտեմբերի 23-ին Վայոց ձորի մարզի Վայք համայնքի սեփականության իրավունքն է վերականգնվել Սարավան բնակավայրում գտնվող՝ 1 հեկտարը գերազանցող մակերեսով հողամասի նկատմամբ: Նշվում է, որ 2025 թվականի մայիսի 8-ին վճիռը մտել է օրինական ուժի մեջ:
«Հիշեցնենք, որ Հակակոռուպցիոն դատարանը 2025 թվականի մայիսի 8-ին բավարարել էր Վայոց ձորի մարզի դատախազության` պետական (համայնքային) շահերի պաշտպանության հայցը: Վճռով անվավեր է ճանաչվել Վայոց ձորի մարզի Վայք համայնքի Սարավան բնակավայրի նախկին համայնքապետի կողմից 2008 թվականի փետրվարի 8-ին կազմակերպված՝ 1 հա մակերեսով հողամասի աճուրդը: Որպես հողամասի աճուրդի անվավերության հետևանք՝ անվավեր է ճանաչվել Սարավան բնակավայրի և ֆիզիկական անձի միջև 2008 թվականի հունիսի 26-ին կնքված՝ հողամասի վաճառքի պայմանագիրը, անշարժ գույքի պետական գրանցումը, ինչպես նաև ֆիզիկական անձանց միջև այդ հողամասի վերաբերյալ 2019 թվականին կնքված նվիրատվության պայմանագիրը:
2025 թվականի մայիսի 8-ին վճիռը մտել է օրինական ուժի մեջ:
2025 թվականի դեկտեմբերի 23-ին Վայոց ձորի մարզի Վայք համայնքի Սարավան բնակավայրում գտնվող հողամասի նկատմամբ կատարվել է Վայոց ձորի մարզի Վայք համայնքի սեփականության իրավունքի պետական գրանցում»,- ասված է հաղորդագրությունում։
