14.02.2026 | 20:05
«Տոտենհեմը» նոր գլխավոր մարզիչ ունի
Որտե՞ղ են ուղղվել մետրոյի «Աջափնյակ» կայարանի համար նախատեսված գումարները․ պարզաբանում է Ավինյանը. ՏԵՍԱՆՅՈՒԹ
Քաղաքականություն
23.12.2025 | 14:30
Երևանի քաղաքապետարանի 2025 թվականի բյուջեի քննարկումների համաձայն՝ «Աջափնյակ» մետրոյի կայարանի կառուցման համար նախատեսված 9.6 միլիարդ դրամից մնացել է 1.6 միլիարդ դրամ։ Այս մասին Երևանի ավագանու նիստի ընթացքում հարց ուղղեցին քաղաքապետին։
Ավինյանը, պատասխանելով ավագանու անդամ Աննա Ավետիսյանի հարցին, պարզաբանեց, որ Աջափնյակի մետրոյի նախագիծը բարդ է և ունի ռիսկայնության հինգերորդ աստիճան, ինչի պատճառով միայն փորձաքննությունը կարող է տևել մեկ տարուց ավելի։ Նա նշեց, որ կրճատված գումարի զգալի մասն ուղղվել է 45 նոր տրոլեյբուսների ձեռքբերմանը, որոնք քաղաքում կլինեն արդեն հաջորդ տարվա ապրիլ-մայիս ամիսներին։
Չնայած այս տարվա կրճատմանը, 2026 թվականի բյուջեով նախատեսվում է ևս 2 միլիարդ դրամ հատկացնել Աջափնյակի մետրոյի կայարանի կառուցման աշխատանքներին։ Ավինյանի խոսքով, այս գումարը նախատեսված է լինելու տեխնիկական հսկողության մրցույթի և օտարումների իրականացման համար։
Մանրամասները՝ տեսանյութում։
