30.10.2026 | 21:23
Բաքուն կաջակցի ԱՄԷ-ին, ոչ թե Թուրքիային․ Ալիևի հերթական հակաթուրքական քայլն ու ուղերձը Անկարային
Մոսկվայի դատարանը հեռակա կարգով կալանավորել է Գարի Կասպարովին
Քաղաքականություն
23.12.2025 | 13:38
Մոսկվայի Զամոսկվորեցկի շրջանային դատարանը հեռակա կարգով կալանավորել է շախմատի աշխարհի 13-րդ չեմպիոն Գարի Կասպարովին՝ ահաբեկչության հրապարակային կոչերի համար (Քրեական օրենսգրքի 205.2 հոդվածի 2-րդ մաս), ասվում է դատարանի կայքում տեղադրված դատական փաստաթղթում, գրում է Meduza-ն։
Կասպարովի նախնական կալանքի միջնորդությունը, որը դատարանը բավարարել է, արգելվել է հրապարակել։ Գործի էությունը հայտնի չէ։
Կասպարովին առաջադրված մեղադրանքի առավելագույն պատիժը 5-ից 7 տարի ժամկետով ազատազրկում է ենթադրում։
Գարի Կասպարովն արդեն իսկ հեռակա ձերբակալվել է Ռուսաստանում. այս որոշումը կայացվել է 2024 թվականի ապրիլին Կոմիի Հանրապետության Սիկտիվկարի քաղաքային դատարանի կողմից՝ կապված «ահաբեկչական համայնքի» ստեղծման հետ։ Հեռակա ձերբակալվել են նաև «Ազատ Ռուսաստան» ֆորումի համահիմնադիր Իվան Տյուտրինը, Պետդումայի նախկին պատգամավոր Գենադի Գուդկովը և նախկին բնապահպան-ակտիվիստ Եվգենիա Չիրիկովան։ Չորսին էլ մեղադրանք է առաջադրվել «ահաբեկչական գործունեության» ֆինանսավորման և ահաբեկչության հրապարակային կոչերի համար։ Գործը հարուցվել է Կոմիի Հանրապետության ԱԴԾ վարչության նյութերի հիման վրա։
2024 թվականի մարտին Կասպարովը ներառվել է Ռոսֆինմոնիտորինգի «ահաբեկիչների և ծայրահեղականների» ցուցակում։ Նրա անունն աստղանիշով է նշված, ինչը նշանակում է, որ նրա դեմ քրեական գործ է հարուցվել «ահաբեկչական» հոդվածով։
Թարգմանությունը՝ Էմմա Չոբանյանի
