13.05.2026 | 22:00
Ֆրանսիան մեկուսացրել է ավելի քան 1700 ուղևորի տեղափոխող նավը` նորովիրուսի ենթադրյալ բռնկման պատճառով
ՖԻՖԱ․ Հայաստանի հավաքականի տարեվերջյան դիրքը դասակարգման աղյուսակում
22.12.2025 | 16:41
Հայաստանի ազգային հավաքականը 106-րդ տեղում կավարտի տարին Ֆուտբոլի միջազգային ֆեդերացիայի (ՖԻՖԱ) դասակարգման ցուցակում։
Դեկտեմբերի 22-ին հրապարակված նոր աղյուսակում Եղիշե Մելիքյանի գլխավորած թիմի դիրքը մնացել է անփոփոխ։ Նախորդ թարմացումից հետո Հայաստանի հավաքականը հանդիպում չի անցկացրել։
Լավագույն տասնյակում ևս փոփոխություններ չկան։ ՖԻՖԱ-ի դասակարգման աղյուսակը շարունակում է գլխավորել Եվրոպայի չեմպիոն Իսպանիայի հավաքականը։ Աշխարհի չեմպիոն Արգենտինան երկրորդն է, իսկ Ֆրանսիան եզրափակում է լավագույն եռյակը։ Թոփ-10-ում են նաև Անգլիայի, Բրազիլիայի, Պորտուգալիայի, Նիդերլանդների, Բելգիայի, Գերմանիայի և Խորվաթիայի հավաքականները։
Հիշեցնենք, որ Հայաստանի հավաքականը նախորդ խաղերն անցկացրել է նոյեմբերին՝ ԱԱ-2026-ի եվրոպական գոտու ընտրական մրցաշարի F խմբում պարտվելով Հունգարիային (0։1) և Պորտուգալիային (1։9)։
