14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
Պուտինը Էրմիտաժում հանդիպել է ԱՊՀ երկրների ղեկավարներին, այդ թվում` Նիկոլ Փաշինյանին. ՏԵՍԱՆՅՈՒԹԵՐ
Քաղաքականություն
22.12.2025 | 15:28
Ռուսաստանի նախագահ Վլադիմիր Պուտինը Սանկտ Պետերբուրգ ժամանած ԱՊՀ երկրների ղեկավարներին, որոնց թվում է նաև վարչապետ Նիկոլ Փաշինյանը, դիմավորել է Էրմիտաժի Ձմեռային պալատի Ալեքսանդրյան դահլիճում, որը նվիրված է կայսր Ալեքսանդր I-ի և 1812 թվականի Հայրենական պատերազմի հիշատակին, գրում է ՏԱՍՍ-ը:
Էրմիտաժի գլխավոր տնօրեն Միխայիլ Պիոտրովսկին հանդես է եկել որպես էքսկուրսավար։ Մինչ բոլորի հավաքվելը՝ առաջնորդները կարողացել են դիտել 16-19-րդ դարերի եվրոպական գեղարվեստական արծաթե իրերի ցուցահանդեսը։
Այնուհետև Պուտինը բոլորին հրավիրել է թանգարանի դահլիճներ՝ տեսնելու Էրմիտաժի հավաքածուի լավագույն նմուշները։
Կրեմլի խոսնակ Դմիտրի Պեսկովն ավելի վաղ հայտնել էր ՌԴ նախագահ Վլադիմիր Պուտինը Սանկտ Պետերբուրգում երկկողմ հանդիպում կանցկացնի Հայաստանի վարչապետ Նիկոլ Փաշինյանի հետ։
Թարգմանությունը՝ Էմմա Չոբանյանի
