14.02.2026 | 16:40
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Արթուր Միրանյանը 4-րդ գոլն է խփել Իսրայելի առաջնությունում․ ՏԵՍԱՆՅՈՒԹ
21.12.2025 | 10:08
Ֆուտբոլի Իսրայելի առաջնության 15-րդ տուրում Արթուր Միրանյանի գոլը «Բնեյ Սախնինին» օգնել է 3։0 հաշվով տնային հաղթանակ տանել «Աշդոդի» նկատմամբ։
Հայաստանի ազգային հավաքականի հարձակվողը դաշտ է դուրս եկել մեկնարկային կազմում, իսկ 12-րդ րոպեին հաշիվը դարձրել է 2։0։ Նա խաղացել է առանց փոխարինման։
Ընթացիկ առաջնությունում 29-ամյա Միրանյանը մասնակցել է 13 խաղի ու դարձել 4 գոլի հեղինակ։ «Բնեյ Սախնինը» 20 միավորով 7-րդ տեղում է 14 թիմերի պայքարում։
Հիշեցնենք, որ Արթուր Միրանյանն այս տարվա ամռանն է ռումինական «Ունիվերսիտատեա Կլուժից» տեղափոխվել «Բնեյ Սախնին», որի հետ կնքել է 1 տարվա պայմանագիր։
