20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Լիոնի Օվերն-Ռոն-Ալպ շրջանային խորհրդի շենքում «Սյունիքի այգի» է անվանակոչվել ձմեռային այգին
Քաղաքականություն
20.12.2025 | 15:19
Դեկտեմբերի 19-ին Ֆրանսիայի Լիոն քաղաքում Օվերն-Ռոն-Ալպ շրջանային խորհրդի շենքում հանդիսավոր արարողությամբ «Սյունիքի այգի» է անվանակոչվել ձմեռային այգին՝ որպես Սյունիքի մարզի և Օվերն-Ռոն-Ալպ ռեգիոնի միջև ձևավորված բարեկամական և գործընկերային հարաբերությունների խորհրդանիշ։ Այս մասին տեղելացնում են Սյունիքի մարզպետի աշխատակազմից։
«Միջոցառմանը մասնակցել են Ֆրանսիայի Օվերն-Ռոն-Ալպ ռեգիոնի նախագահ Ֆաբրիս Պանկուկը, Լիոնում ՀՀ գլխավոր հյուպատոս Նարինե Նիկոլյանը, Ֆրանսիայի ԱԺ-ում «Droite Républicaine» խմբակցության ղեկավար և Ֆրանսիա-Հայաստան բարեկամական խմբի նախագահ, ՕՌԱ ռեգիոնի նախկին նախագահ Լորան Վեքիեն։
Ֆաբրիս Պանկուկն իր ելույթում անդրադարձել է Սյունիք կատարած առաջին այցին, մարզի ղեկավարության հետ ունեցած շփումներին և ընդգծել, որ այդ այցը կարևոր նշանակություն է ունեցել իր անձնական և քաղաքական հանձնառության ամրապնդման գործում՝ ուղղված Սյունիք – Օվերն-Ռոն-Ալպ համագործակցության զարգացմանը։ Նա նշել է, որ «Սյունիքի այգու» բացումն այդ համագործակցության տեսանելի և խորքային արտացոլումն է ու ևս մեկ անգամ հաստատում է կողմերի միջև ձևավորված վստահության, փոխադարձ հարգանքի և երկարաժամկետ փոխգործակցության ամուր հիմքերը»,- ասված է հաղորդագրությունում։
