19.12.2025 | 22:50
Իսրայելում ՌԴ քաղաքացի է ձերբակալվել Իրանի օգտին լրտեսության մեղադրանքով
Քննարկվել են մայրաքաղաքում երթևեկության ծանրաբեռնվածության նվազեցմանն ուղղված առաջարկներն ու իրավիճակային լուծումները
Քաղաքականություն
19.12.2025 | 19:47
Այսօր փոխվարչապետ Տիգրան Խաչատրյանի գլխավորությամբ կայացել է ճանապարհային երթևեկության կարգավորման և խցանումների հաղթահարման հարցերով միջգերատեսչական հանձնաժողովի հերթական նիստը՝ պետական մարմինների, հասարակական և մասնավոր հատվածի ներկայացուցիչների մասնակցությամբ։ Տեղեկությունը հայտնում են Կառավարության մամուլի ծառայությունից։
Նիստի ընթացքում քննարկվել են մայրաքաղաքում երթևեկության ծանրաբեռնվածության նվազեցմանն ուղղված առաջարկներն ու իրավիճակային լուծումները։ Մասնավորապես, անդրադարձ է կատարվել մասնավոր ընկերությունների կողմից մշակված նորարարական գործիքների կիրառման հնարավորությանը՝ ճանապարհային գրաֆիկի վերաբերյալ տվյալների հավաքագրման և վերլուծության միջոցով առավել արդյունավետ որոշումներ կայացնելու նպատակով։
Նիստի ավարտին փոխվարչապետը պատասխանատուներին հանձնարարել է ըստ իրավիճակների մանրամասն վերլուծել ներկայացված առաջարկները՝ 2026 թվականի սկզբին դրանք ամփոփելու և առաջիկա գործողությունների ծրագիր մշակելու համար։
