13.05.2026 | 21:47
Ջանես Նազարյանը՝ մինչև 17 տարեկանների հունահռոմեական ոճի ըմբշամարտի Եվրոպայի չեմպիոն
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
19.12.2025 | 17:34
UFC-ի թեթև քաշային կարգի դասակարգման առաջատար Արման Ծառուկյանն անդրադարձել է ամերիկացի Ջասթին Գեյջիի ու բրիտանացի Փեդի Փիմբլեթի միջև սպասվող մենամարտին։
«Նրանք երկուսն էլ «պարկ» են, բայց նրանց դեմ պետք է պատրաստվել այնպես, ինչպես չեմպիոնական մենամարտին։ Մարտի ժամանակ ամեն բան կարող է պատահել։ Սակայն ես տեսնում եմ, որ նրանք իմ մակարդակի չեն։ Այդ պատճառով էլ ես չեմ մենամարտելու այնտեղ։ Եթե լինեի ավելի թույլ, միանշանակ կլինեի այնտեղ»,- հայ մարտիկի խոսքը մեջբերում է Red Corner MMA-ը։
Հունվարի 25-ին Լոս Անջելեսում կայանալիք UFC 324 մրցաշարում Ջասթին Գեյջին ու Փեդի Փիմբլեթը մենամարտելու են UFC-ի թեթև քաշային կարգի ժամանակավոր չեմպիոնի տիտղոսի համար։
29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
