19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Լավրովը ՀՀ-ում ընտրությունների հետ կապված Կալլասի արտահայտությունները որակել է «արտաքին միջամտության խոստովանություն»
Քաղաքականություն
18.12.2025 | 18:09
ԵՄ դիվանագիտության ղեկավար Կայա Կալլասն «անկեղծ խոստովանություն է արել»՝ խոստանալով, որ Եվրամիությունը կօգնի Հայաստանին 2026 թվականի խորհրդարանական ընտրություններում՝ պայքարելով «վնասակար արտաքին միջամտության դեմ, ինչպես դա արվեց Մոլդովայում»։ Այս մասին հայտարարել է ՌԴ արտաքին գործերի նախարար Սերգեյ Լավրովը, գրում է ՌԻԱ Նովոստին։
«Կայա Կալլասը հրապարակավ խոստացել է, որ Եվրամիությունը «կօգնի Հայաստանին պայքարել վնասակար արտաքին միջամտության դեմ, ինչպես մենք արեցինք Մոլդովայում»։ Անկեղծ խոստովանություն»,- ասել է Լավրովը «Եդինայա Ռոսիա» կուսակցության միջազգային համագործակցության գլխավոր խորհրդի կոմիտեի նիստում։
Նա նշել է, որ ԵԱՀԿ ժողովրդավարական հաստատությունների և մարդու իրավունքների գրասենյակը (ԺՀՄԻԳ) վաղուց վերածվել է քաղաքական ճնշման գործիքի։ Ըստ Լավրովի՝ այս գրասենյակի՝ ընտրությունների դիտորդական առաքելությունների կողմից կազմվող զեկույցները թելադրված են աշխարհաքաղաքական նկատառումներով։
«Եթե հաղթում է ոչ արևմտամետ թեկնածուն, ապա տրվում են ամենախիստ գնահատականները՝ նույնիսկ պահանջելով վերընտրություն։ Եթե հաղթում է Արևմուտքի կողմից ակտիվորեն «առաջ մղվող» մեկը, դա համարվում է «ժողովրդավարության հաղթանակ»։ Այս ընտրությունների զեկույցները նախապես պատրաստվում են։ Այս ամենը ԵՄ-ի կողմից նկարագրվում է որպես «ընտրությունների դիտարկման ոսկե չափանիշ»»,- ասել է ռուսաստանցի պաշտոնյան։
Հիշեցնենք՝ Կայա Կալլասը հայտարարել էր, որ Հայաստանն օգնություն է խնդրել ԵՄ-ից՝ ընտրություններում արտաքին միջամտությունից պաշտպանվելու համար։
Թարգմանությունը՝ Էմմա Չոբանյանի
