19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ACBJJ 20․ Արման Ծառուկյանի մրցակիցը հանձնվեց․ ՏԵՍԱՆՅՈՒԹ
18.12.2025 | 01:18
UFC-ի թեթև քաշային կարգի դասակարգման առաջատար Արման Ծառուկյանը վստահ հաղթանակ տարավ Մոսկվայում կայացած ACBJJ 20 մրցաշարում։
«Դինամո» արենայում անցկացված մրցաշարի գլխավոր մենամարտում հայ մարտիկը մրցեց ACA-ի թեթև քաշային կարգի նախկին չեմպիոն, 29-ամյա ռուսաստանցի Մեհդի Բայդուլաևի հետ ու հաղթեց ժամկետից շուտ։ Մենամարտի ավարտից 12 վայրկյան առաջ Բայդուլաևը հանձնվեց Ծառուկյանի խեղդող հնարքի պատճառով։
Մենամարտն անցկացվեց գրեփլինգի կանոններով (No-Gi)՝ 80 կգ քաշային կարգում։
Մենամարտի ընթացքում տեղի ունեցավ տհաճ միջադեպ։ Բայդուլաևն արմունկով հարվածեց Ծառուկյանին, որը նույնպես պատասխանեց մրցակցին ու ստացավ ոտքով պատասխան հարված։ Մրցավարը դադարեցրեց մենամարտը և քննարկումից հետո հայ մարտիկը ստացավ դեղին քարտ։ Գրեփլինգի կանոններով հարվածներ չեն թույլատրվում։
Մեկ այլ հայ մարտիկ Էդուարդ Վարդանյանը (85 կգ) բրազիլական ջիու-ջիթսուի կանոններով ուժերը չափեց ռուսաստանցի Յուսուֆ Ռաիսովի հետ ու հաղթեց մրցավարների միաձայն որոշմամբ։
Հիշեցնենք, որ դեկտեմբերի 30-ին Արման Ծառուկյանը գրեփլինգի մենամարտ է անցկացնելու նաև Երևանում՝ մրցելով UFC-ի մարտիկ Շառա Բուլետի (Շարաբուտդին Մագոմեդով) հետ։ 29-ամյա հայ մարտիկը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
