05.06.2026 | 00:02
Փաշինյանին և Թաթոյանին զրկեցին խոսքի իրավունքից. ՏԵՍԱՆՅՈՒԹ
Արման Ծառուկյանը՝ UFC-ի նախագահի հետ հարաբերությունների ու Փիմբլեթ-Գեյջի մենամարտում պահեստային լինելու մասին
17.12.2025 | 14:37
UFC-ի թեթև քաշային կարգի դասակարգման առաջատար Արման Ծառուկյանը Մոսկվայում կայացած ասուլիսում անդրադարձել է UFC-ի նախագահ Դենա Ուայթի հետ հարաբերություններին։
«Նա ասել էր, որ կարող էր հեռացնել ինձ, սակայն չի արել նման բան։ Բոլորը մտածում են, թե մեր հարաբերությունները լարված են։ Նա բացատրել է, որ մեր միջև որևէ թշնամանք չկա, պարզապես այժմ իրավիճակն այնպիսին է, որ գոտու համար կմրցեն Փիմբլեթը և Գեյջին»,- ասել է հայ մարտիկը։
Արման Ծառուկյանը նաև պատրաստակամություն է հայտնել ամերիկացի Ջասթին Գեյջիի ու բրիտանացի Փեդի Փիմբլեթի միջև հունվարի 25-ին կայանալիք UFC-ի թեթև քաշային կարգի ժամանակավոր չեմպիոնի տիտղոսի համար մենամարտում լինել պահեստային մարտիկը։
«Ես կլինեմ Փեդիի և Գեյջիի մենամարտի ոչ պաշտոնական պահեստայինը։ Եթե նրանցից որևէ մեկը վնասվածք ստանա, ես պատրաստ կլինեմ մենամարտի թե՛ 10, թե՛ 5 օր առաջ։ Ես կսկսեմ կարգավորել քաշս։ Եթե նրանց պետք լինեմ, ես այնտեղ կլինեմ։ Դրա համար պետք է պահպանեմ մարզավիճակս, մարզվեմ և անցկացնեմ սպարինգներ։ Պետք է փորձեմ վնասվածք չստանալ առաջիկա մենամարտերի ընթացքում, բայց միաժամանակ հանդես գալ 100 տոկոսով, որպեսզի չհիասթափեցնեմ այն մարդկանց, ովքեր եկել են դիտելու դիտարժան մենամարտ։
Ես կհանգստանամ Պիմբլեթ – Գեյջի մենամարտից հետո։ Նոր տարին կնշեմ Հայաստանում, իսկ դրանից անմիջապես հետո կմեկնեմ Լոս Անջելես և կփորձեմ առավելագույնս օգտագործել իմ հնարավորությունը։ Մեզ բարդ ճանապարհ է սպասվում»,- ասել է Ծառուկյանը։
Հիշեցնենք, որ դեկտեմբերի 17-ին Արման Ծառուկյանը գրեփլինգի կանոններով մենամարտ է անցկացնելու Մոսկվայում, իսկ դեկտեմբերի 30-ին՝ Երևանում։
29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
