18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Խաղաղության նոր պլանը ներառում է ԱՄՆ-ի և Եվրոպայի ուժերի կողմից ռուսական ագրեսիան կանխելու կոնկրետ մեխանիզմներ. NYT
Քաղաքականություն
17.12.2025 | 14:30
Ամերիկյան New York Times-ը հաղորդում է ուկրաինական պատերազմը դադարեցնելու ծրագրի որոշ նոր մանրամասներ, որոնք ԱՄՆ-ի, Ուկրաինայի և Եվրոպայի պատվիրակությունները քննարկել են Բեռլինում վերջերս կայացած բանակցությունների ժամանակ, գրում է BBC-ի ռուսական ծառայությունը։
Այս խորհրդակցությունների մասնակիցների խոսքով՝ ԱՄՆ-ն համաձայնել է Ուկրաինային տրամադրել իրավաբանորեն պարտավորեցնող անվտանգության երաշխիքներ, սակայն չեն կարողացել փոխզիջման գալ ամենադժվար հարցի՝ Դոնեցկի մարզի ամբողջ տարածքի նկատմամբ Ռուսաստանի հավակնությունների վերաբերյալ։
NYT-ի տվյալներով՝ պլանի երկրորդ մասը պարունակում է մի փաստաթուղթ, որն ուրվագծում է եվրոպական «կամավորների կոալիցիայի» և Միացյալ Նահանգների կոնկրետ գործողությունները, որոնք, ուկրաինական բանակի հետ միասին, պետք է կանխեն ռուսական ագրեսիայի կրկնությունը։ Չնայած փաստաթղթերի բովանդակությունը չի հրապարակվում՝ աղբյուրները հայտնել են, որ դրանք նկարագրում են բազմաթիվ կոնկրետ սցենարներ՝ Ուկրաինայի անվտանգությունն ապահովելու համար՝ ռուսական նոր ներխուժման դեպքում։ ԱՄՆ-ն պետք է օգտագործի իր լայնածավալ հետախուզական հնարավորությունները՝ հրադադարի համաձայնագրի պահպանումը վերահսկելու և ռուսական զորքերի ցանկացած տեղաշարժ նախապես հայտնաբերելու համար։ Հրապարակման մեջ նշվում է, որ ամերիկյան ուժերը պետք է նաև ապահովեն, որ մանր բախումները չվերածվեն նոր պատերազմի։
Միևնույն ժամանակ, Արևմտյան Ուկրաինայի արևմուտքում կտեղակայվեն Արևմտյան պետությունների զորքեր, որոնք համաձայնել են մասնակցել Եվրոպայի գլխավորած «կամավորների կոալիցիային»՝ «ռուսական հնարավոր ագրեսիայի դեմ կանխման ևս մեկ շերտ» ստեղծելու համար։
Հրապարակման համաձայն՝ ԱՄՆ-ն պետք է նաև նույնականացնի Ռուսաստանի փորձերը՝ սադրանքներ կամ «կեղծ դրոշի գործողություններ» կազմակերպելու՝ ռազմական գործողությունները վերսկսելու համար։
Թարգմանությունը՝ Էմմա Չոբանյանի
