06.05.2024 | 12:42
2018-ից մեր կողմից այնքան ատելության խոսք չի հնչել, որքան ձեր կողմից․ Լիլիթ Ստեփանյան․ ՏԵՍԱՆՅՈՒԹ
Պետք է ջախջախել անգիրի ինստիտուտն ու կախվածությունը կրկնուսույցից․ ԿԳ նախարարությունն ավագ դպրոցների համար նոր չափորոշիչների պահանջ է դնում․ ՏԵՍԱՆՅՈՒԹ
Հասարակություն
05.11.2018 | 14:11
ՀՀ Ազգային ժողովի գիտության, կրթության, մշակույթի, երիտասարդության և սպորտի հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում այսօր ՀՀ կրթության և գիտության նախարարի պաշտոնակատար Արայիկ Հարությունյանը ներկայացրեց 2018թ. պետական բյուջեի մասին ՀՀ օրենքի նախագծում նախատեսված եկամուտներն ու ծախսերը։
ԱԺ ՀՅԴ խմբակցության պատգամավոր Սպարտակ Սեյրանյանը նախարարի պաշտոնակատարից հետաքրքրվեց՝ վերջինս ինչ քայլեր է ձեռնարկում նախարարությունը, ուսուցիչների հեղինակությունը բարձրացնելու համար և արդյոք ավագ դպրոցների ընդհանուր հայեցակարգի հետ կապված մշակումներ անհրաժեշտ չեն այդ դպրոցների բովանդակությունը հասցնելու համար այն չափանիշին, որը սահմանված էր։
Հարցին ի պատասխան՝ նախարարի պաշտոնակատարը նկատեց, որ ուսուցիչների հեղինակության բարձրացման համար իրականացվում են մի շարք ծրագրեր, իսկ դրանց համար նախատեսված գումարները բավարար են արդյունքներ արձանագրելու համար։
«10 տարի առաջ ներդնելով ավագ դպրոցը՝ ձևը հաղորդեցինք, բովանդակությունը՝ ոչ։ Սա է պատճառը, որ ամեն երկրորդ հարցը, որ ինձ տալիս են աշակերտների ծնողները, հետևյալն է՝ ե՞րբ ենք անցնելու տասնամյա կրթությանը։ Իդեալական կլինի, եթե մի քանի տարի հետո հասնենք նրան, որ աշակերտը ավագ դպրոցի գնահատականներով ընդունվի բուհ և դրանով մենք կվերացնենք կրկնուսույցներից կախվածությունը կամ անգիրի ինստիտուտը։ Այս ուղղությամբ նոր չափորոշիչներ է պետք մշակել»,- ասաց նախարարի պաշտոնակատարը։
Մանրամասները՝ տեսանյութում։
