18.12.2025 | 13:59
Թուրքիան ցանկանում է վերադարձնել ռուսական C-400-ները. Էրդողանը հարցը քննարկել է Պուտինի հետ. Bloomberg
Մենք կձեռնարկենք որոշ խորհրդանշական քայլեր՝ սկսած հաջորդ տարվա սկզբից․ Էրդողանը՝ ՀՀ-ի հետ հարաբերությունների մասին
Քաղաքականություն
16.12.2025 | 16:21
«Հայաստանն ու Ադրբեջանը մոտ են խաղաղության պայմանագրի ստորագրմանը»,- այս մասին հայտարարել է Թուրքիայի նախագահ Ռեջեփ Թայիփ Էրդողանը դեսպանների համաժողովում։ Նա նշել է, որ Հարավային Կովկասը, որը տարիներ շարունակ խաղաղության է ձգտել, այսօր պատմական ժամանակաշրջան է ապրում։
«Ադրբեջանն ու Հայաստանը խաղաղության համաձայնագրի ստորագրմանը մոտ են, քան երբևէ։ Այս գործընթացին զուգահեռ, Ադրբեջանի հետ երկխոսության մեջ լինելով, մենք նաև առաջ ենք մղում մեր հարաբերությունների կարգավորման գործընթացները Հայաստանի հետ։ Աստծո կամքով, մենք կձեռնարկենք որոշ խորհրդանշական քայլեր՝ սկսած հաջորդ տարվա սկզբից», – ասել է Էրդողանը։
Ավելի վաղ հաղորդվել էր, որ Թուրքիան դիտարկում է առաջիկա 6 ամիսներին ՀՀ-ի հետ սահմանը բացելու հնարավորությունը։
Հիշեցնենք, որ Հայաստանի Հանրապետությունն ավարտել է Հայաստան-Թուրքիա ցամաքային սահմանի Մարգարա-Ալիջան անցակետի հայաստանյան հատվածի վերանորոգման և տեխնիկական վերազինման աշխատանքները, և երկու երկրների հարաբերությունների կարգավորման հատուկ ներկայացուցիչների միջև նախկինում ձեռք բերված և վերահաստատված պայմանավորվածության համաձայն՝ պատրաստ է սպասարկել սահմանի այդ անցակետը երրորդ երկրների քաղաքացիների և դիվանագիտական անձնագիր ունեցող անձանց համար և նույնն ակնկալում է Թուրքիայից։ Այս մասին Factor.am-ի գրավոր հարցմանն ի պատասխան հայտնել էր Արտաքին գործերի նախարարությունից՝ պատասխանելով հարցին, արդյոք Թուրքիան սահմանի իր հատվածում ևս անցակետ կառուցե՞լ է, թե՞ ոչ։
Թարգմանությունը` Էմմա Չոբանյանի
