30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիան դիտարկում է առաջիկա 6 ամիսներին ՀՀ-ի հետ սահմանը բացելու հնարավորությունը. Bloomberg
Քաղաքականություն
03.12.2025 | 13:50
Թուրքիան դիտարկում է առաջիկա վեց ամիսների ընթացքում Հայաստանի հետ իր ցամաքային սահմանը վերաբացելու հնարավորությունը։ Այս մասին հայտնում է Bloomberg-ը՝ հղում անելով իրավիճակին ծանոթ աղբյուրներին։
Նշվում է, որ «կվերացվի սառը պատերազմի դարաշրջանի Եվրոպայի վերջին փակ սահմանը՝ հարթելով Կովկասում առևտրի վերականգնման ճանապարհը»։
Bloomberg-ը գրում է, որ Թուրքիան փակել է սահմանը 1993 թվականին՝ ի նշան Լեռնային Ղարաբաղի շուրջ Հայաստանի հետ պատերազմում դաշնակից Ադրբեջանի հետ համերաշխության: Հարավային Կովկասի ցամաքով շրջապատված լեռնային շրջանը անջատվել էր Ադրբեջանից Խորհրդային Միության փլուզումից անմիջապես հետո՝ առաջացնելով տասնամյակներ տևած հակամարտություն: Այս տարվա սկզբին ԱՄՆ նախագահ Դոնալդ Թրամփը ստորագրել է համատեղ խաղաղության հռչակագիր Հայաստանի և հարևան Ադրբեջանի առաջնորդների հետ՝ ձգտելով վերջ դնել հակամարտությանը:
Հայաստանի և Թուրքիայի արտաքին գործերի նախարարությունները չեն պատասխանել Bloomberg-ի մեկնաբանության հարցմանը։
Հիշեցնենք, որ Հայաստան-Թուրքիա հարաբերությունների կարգավորման գործընթացի շրջանակում նոյեմբերի 28-ին երկու երկրների համապատասխան գերատեսչությունների ներկայացուցիչները հանդիպել էին Ախուրիկ-Աքյաքա անցակետում և Գյումրիում՝ շարունակելով Գյումրի-Կարս երկաթգծի վերականգնման և շահագործման տեխնիկական քննարկումները:
Թարգմանությունը՝ Էմմա Չոբանյանի
