18.12.2025 | 20:30
Պուտինի հանցագործ ռեժիմը սնվում է պատերազմից՝ նոր էսկալացիայի կգնա, որ պատերազմը չդադարի․ Վահե Գասպարյան. ՏԵՍԱՆՅՈՒԹ
Արցախից տեղահանված քանի անձ է ՀՀ քաղաքացիություն ստացել․ փոխնախարարը թվեր ներկայացրեց
Հասարակություն
16.12.2025 | 11:35
Լեռնային Ղարաբաղից ներգաղթածները պետք է պարտադիր ստանան Հայաստանի Հանրապետության քաղաքացիություն՝ բնակապահովամն ծրագրից օգտվելու համար։ Այն իրականացնելու համար կառավարությունը նախատեսում է 250 միլիոն դոլարի վարկ ներգրավել։ Հարցը ԱԺ արտահերթ նիստի օրակարագում է։
«Վերջին շրջանում մի քանի տեղ այսպես լուրեր են տարածվում, որ Հայաստանի Հանրապետությունը, ըստ էության, մերժում է շատ մարդկանց Հայաստանի Հանրապետության քաղաքացիություն տրամադրել, Հայաստանի Հանրապետության անձնագիր տրամադրել»,-նշեց ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը։
Աշխատանքի և սոցիալական հարցերի փոխնախարար Դավիթ Խաչատրյանը նշեց, որ տեղահանված 26,233 անձ ՀՀ քաղաքացիություն է ստացել, որից 16,919-ը՝ չափահաս, 8,314-ը՝ անչափահասներ են։
«Քաղաքացիության համար դիմած և դեռևս մշակման փուլում գտնվողների թիվը կազմում է 6,696։ Ինչ վերաբերում է քաղաքացիությունը մերժելու լուրերին, անկեղծ ասած, նման տեղեկություններ չունեմ և նաև մենք գրեթե ամենօրյա ռեժիմով տեղահանված մեր հայրենակիցների հետ շփումների մեջ ենք և որևէ նման ահազանգ չենք լսել։ Բայց քանի որ քաղաքացիության հարցերով զբաղվում է Ներքին գործերի նախարարության Միգրացիոն և քաղաքացիության հարցերի ծառայությունը, ևս մեկ անգամ իրենց հետ կքննարկենք հարցը, բայց նորից եմ կրկնում, առաջին անգամ եմ լսում, որ նման խնդիր կա»,-նշեց նա։
Մանրամասները՝ տեսանյութում։
