29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Կա հանրային պահանջ՝ տրանսպորտում վերահսկողությունը խստացնելու, 24 հաստիք կավելանա․ Ավինյան. ՏԵՍԱՆՅՈՒԹ
Տնտեսություն
15.12.2025 | 10:52
«Նախորդ շաբաթվա ընթացքում տոմսային համակարգում արձանագրված վավերացումները բաշխվել են հետևյալ կերպ. տրոլեյբուսներ՝ 92,161, մետրոպոլիտեն՝ 547,663, ավտոբուսներ՝ 1,872,321: Ընդամենը՝ 2,512,145: Ունենք դրական տարբերություն 59,034-ով կամ 2.4 տոկոսով»,- գործակարվարական նիստին զեկուցեց Երևան քաղաքի կառավարման տեխնոլոգիաների կենտրոն ընկերության ղեկավար Սարգիս Մանուկյանը։
Ի պատասխան՝ քաղաքապետ Տիգրան Ավինյանը դիմեց քաղաքապետարանի աշխատակազմի հասարակական կարգի պահպանության ծառայության պետի պաշտոնակատար Ավետիք Բաբայանին՝ նշելով, որ հանրային տրանսպոտրում վերահսկողությունը խստացնելու պահանջ կա։
«Մարդիկ ինձ գրում են, ասում են՝ շատ-շատերը չարամտորեն, հիմնականում՝ երիտասարդները, չարամտորեն խուսափում են վճարելուց, և ակնկալում եմ, որ այս առումով կոնկրետ քայլեր են արվելու: Մասնավորապես՝ գիտեմ, որ էս դեկտեմբեր ամսվա ձեր հաստիքացուցակում փոփոխություն է լինելու, և նոր մարդիկ են ավելանալու՝ վերահսկողությունը ավելի արդյունավետ կազմակերպելու համար»,- ասաց Ավինյանը։
Ավետիք Բաբայանն էլ ասաց, որ 24 հաստիք ավելանալու է։
Մանրամասները՝ տեսանյութում։
Արփի Հակոբյան
