Քաղաքականություն
05.11.2018 | 10:54
Սիցիլիայի հարավային կղզում ավերիչ ջրհեղեղը 12 մարդու կյանք է խլել․ հայտնում է aljazeera.com-ը։ Զոհերի շարքում երեք երեխա կա՝ մեկ, երեք և տասնհինգ տարեկան։
Իտալիայի վարչապետ Ջուզեպպե Կոնտեն աղետն իսկական ողբերգություն է անվանել։ Իսկ պաշտոնատար անձինք հետաքննություն են սկսել, որպեսզի պարզեն՝ արդյոք աղետի գոտում գտնվող տները անվտանգության չափանիշներին համապատասխան կառուցվածք ունեցե՞լ են։
Հիշեցնենք, որ Իտալիայի վեց շրջաններում արդեն օրեր շարունակ ուժեղ քամիներ և հորդառատ անձրևներ են։ Միայն անցնող շաբաթվա ընթացքում դրանց հետևանքով 20 մարդ է զոհվել։ Բացի այդ, սոճու անտառի շուրջ 100․000 հա տարածք է վնասվել։
Իտալիայի իշխանությունը նման աղետների դեմ պայքարի համար անհրաժեշտ գումարի չափը մոտ 45․5 միլիարդ դոլար է գնահատում։ Սակայն դա էականորեն կբարդացնի երկրի բյուջեի՝ արդեն մեծ պակասորդի խնդիրը։
