18.05.2026 | 22:07
Փարիզի դատախազություն են դիմել Էփշտեյնի՝ նախկինում անհայտ շուրջ 10 նոր ենթադրյալ զոհեր
Ռուսական զորքերը հարվածել են Պավլոգրադին. զոհվել է մեկ մարդ, վիրավորել` չորսը
Քաղաքականություն
12.12.2025 | 15:10
Ռուսական զորքերը գիշերն անօդաչու թռչող սարքով հարված են հասցրել Պավլոգրադին, որի հետևանքով զոհվել է մեկ և վիրավորվել չորս մարդ։ Այս մասին հայտարարել է տարածաշրջանային ռազմական վարչակազմի ղեկավարի պաշտոնակատար Վլադիսլավ Գայվանենկոն, գրում է Current time-ը։ Հարձակման հետևանքով հրդեհներ են բռնկվել հինգ մասնավոր տներում։
Ռուսական զորքերը նաև հարված են հասցրել Սինելնիկի շրջանի Վասիլկովկա գյուղի մասնավոր տներից մեկին։ Ուկրաինայի արտակարգ իրավիճակների պետական ծառայության աշխատակիցները մարել են հրդեհը։
Օդեսայի էներգետիկ օբյեկտներում ռուսական հարձակումից հետո հրդեհներ են բռնկվել։ Վնասվել են պահեստներ և ավտոտնակի շենք։ Պետական արտակարգ իրավիճակների ծառայությունը հայտնել է, որ տուժածներ չկան։
Ուկրաինայի ռազմաօդային ուժերի տվյալներով՝ դեկտեմբերի 12-ի գիշերը ռուսական ուժերը հարվածել են տարբեր տեսակի 80 անօդաչու թռչող սարքերով։ Ժամը 9:00-ի դրությամբ ՀՕՊ ուժերը խոցել էին 64 անօդաչու թռչող սարք։ «Գրանցվել է տասներկու հարվածային անօդաչու թռչող սարքերի հարված ութ վայրերում, խոցված անօդաչու թռչող սարքերի բեկորների անկում երեք վայրերում», – ասվում է հայտարարության մեջ։
Թարգմանությունը` Էմմա Չոբանյանի
