09.08.2026 | 12:56
Սևանա լճում ջրափրկարարները նկատել են շրջված ջրային մոտոցիկլետ․ ՆԳՆ
Գյումրու ավագանու «Գալա» խմբակցությունն առաջարկում է Գյումրու մանկապարտեզները Երեւանի օրինակով դարձնել անվճար
Քաղաքականություն
04.11.2018 | 13:00
Գյումրու ավագանու ԳԱԼԱ խմբակցությունը առաջիկա նիստի օրակարգ է մտցրել ՀՀ նոր կառավարությանը ուղերձով դիմելու երկու նախագծեր: Դրանցից մեկով ՀՀ կառավարությանն առաջարկվում է 1988 թ-ի ավերիչ երկրաշարժի 30 ամյա տարելիցին ընդառաջ Գյումրիում անօթեւանության խնդրի լուծման օպտիմալ եւ արժանապատիվ ճանապարհ: Երկրորդ նախագիծն առաջարկում է Գյումրու մանկապարտեզները Երեւանի օրինակով դարձնել անվճար, ծնողներին ազատել ծնողական վարձավճարից: Վերջին առաջարկությամբ հանդես էինք եկել դեռ 2017 թ-ի նոյեմբերին: Սակայն մեկ տարի առաջ ուղերձի այս նախագիծը չընդունվեց, քանի որ Գյումրու ավագանու մեծամասնությունը ձեռնպահ քվեարկեց: Նախագծին կողմ քվեարկած ավագանու անդամներն / ԳԱԼԱ, ՀՎԿ, ԲՀԿ/ իրենց անունից ուղերձ հղեցին ՀՀ կառավարությանը, սակայն այն ժամանակ ՀՀ կառավարությունը մերժեց այն՝ հիմնավոր բացատրություն չտալով: ԳԱԼԱ-ի նախագծերը կլսվեն ավագանու հանձնաժողովներում, այնուհետ՝ ավագանու նիստում նոյեմբերի 12-ին: Հավանության արժանանալու դեպքում Գյումրու ավագանին ուղերձները կհղի նոր Կառավարությանը:
Գյումրու ավագանու ԳԱԼԱ խմբակցություն
