13.12.2025 | 11:04
Կիբեռհանցագործություններից մինչև վիզաների ազատականացում. Արփինե Սարգսյանի հանդիպումները Բրյուսելում
Կիևի դիմումով Լեհաստանում ձերբակալվել է Էրմիտաժի աշխատակիցը, որը մեղադրվում է Ղրիմում անօրինական պեղումներ կատարելու մեջ
Քաղաքականություն
11.12.2025 | 17:08
Ուկրաինայի դիմումով Լեհաստանում ձերբակալվել է ռուս հնագետ, Էրմիտաժ թանգարանի աշխատակից Ալեքսանդր Բ.-ն, հաղորդում էRMF FM ռադիոկայանը։ Ենթադրվում է, որ խոսքը Էրմիտաժի անտիկ աշխարհի բաժնի վարիչ Ալեքսանդր Բուտյագինի մասին է, գրում է The Insider-ը։
Կիևը գիտնականի նկատմամբ հետախուզում է հայտարարել՝ բռնակցված Ղրիմում «անօրինական հնագիտական հետազոտություններ անցկացնելու համար»։ Մասնավորապես, խոսքը Կերչի Միրմեկի հին քաղաքի տարածքում պեղումների մասին է։
Ուկրաինայի իշխանությունները կարծում են, որ Բուտյագինն է պատասխանատու Ղրիմի մշակութային ժառանգության վայրերի ոչնչացման համար, որի վնասը գնահատվում է ավելի քան 200 միլիոն գրիվեն (4,8 միլիոն դոլար)։
RMF FM-ն պարզել է, որ Բուտյագինը ճանապարհորդել է Եվրոպայով մեկ՝ դասախոսությունների շարք կարդալով։ Նա ձերբակալվել է անցյալ շաբաթ Վարշավայում՝ Նիդերլանդներից Բալկաններ մեկնելու ճանապարհին։ Ձերբակալությունից հետո գիտնականը հարցաքննության է տարվել, բայց հրաժարվել է պատասխանել հարցերին։
Բուտյագինն այժմ կալանքի տակ է, Ուկրաինան մտադիր է պահանջել նրա արտահանձնումը։ Ուկրաինայի դատախազությունը գիտնականի դեմ հետաքննություն է սկսել նոյեմբերին։
Թարգմանությունը՝ Էմմա Չոբանյանի
