05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
102, 911, 101 համարները կփոխարինվեն 112 համարով. ՆԳՆ-ում օպերատիվ կառավարման կենտրոն է ստեղծվում. ՏԵՍԱՆՅՈՒԹ
11.12.2025 | 12:53
102, 911, 101 համարները կփոխարինվեն 112 համարով. ՆԳՆ-ում օպերատիվ կառավարման կենտրոն է ստեղծվում
Ներքին գործերի նախարարության կառուցվածքում կստեղծվի Օպերատիվ կառավարման գրասենյակ, կներդրվի «112» միասնական հեռախոսահամարը։
ՆԳ նախարարի տեղակալ Արմեն Մկրտչյանի խոսքով, ներկայումս տարբեր արտակարգ իրավիճակների համար գործում են արագ արձագանքման տարբեր հեռախոսահամարներ, ինչը դժվարություններ է ստեղծում քաղաքացիների համար ճիշտ կողմնորոշվելու հարցում։
Նոր համակարգի ներդրմամբ նախատեսվում է բոլոր ահազանգերի համար ստեղծել մեկ միասնական կառավարման կենտրոն՝ մեկ հեռախոսահամարով։
Մկրտչյանը նշեց՝ «112» հեռախոսահամարը լայնորեն կիրառվում է Եվրոպական միության երկրներում և ճանաչված է որպես արտակարգ իրավիճակների կանչերի հեռախոսահամար։ Այս փոփոխությունը դրական է գնահատվել նաև ՀՀ-ԵՄ վիզաների ազատականացման երկխոսության շրջանակներում։
«Ներկայումս գործող «101», «102» և «911» հեռախոսահամարները որոշ ժամանակ կշարունակեն գործել և կվերահասցեագրվեն դեպի «112», մինչև բնակչությունն ամբողջությամբ կտեղեկացվի նոր միասնական համարի մասին։ Բացի այդ, ծրագրվում է Օպերատիվ կառավարման գրասենյակին փոխանցել նաև շտապ բժշկական օգնության կանչերի սպասարկման գործառույթը։ Այս բարեփոխումների արդյունքում ակնկալվում է զանգի սպասարկման ժամանակը կրճատել մինչև 10 վայրկյան, իսկ արձագանքման միջին տևողությունը՝ մինչև 10 րոպե»,-ասաց փոխնախարարը։
Մանրամասները՝ տեսանյութում։
