02.10.2026 | 17:05
Ստյոպա Մկրտչյանը խաղադաշտ է վերադարձել տևական ընդմիջումից հետո
Զելենսկին պետք է իրատես լինի՝ Ուկրաինայում զանգվածային կոռուպցիա է, ընտրությունների ժամանակն է. Թրամփ
11.12.2025 | 11:39
ԱՄՆ նախագահ Դոնալդ Թրամփը կրկին խոսել է Ուկրաինայում նախագահական ընտրությունների անցկացման մասին։ Հարցին՝ ի՞նչ է նկատի ունեցել ԱՄՆ նախագահը, երբ ասել է, որ Ուկրաինայի նախագահ Վլադիմիր Զելենսկին պետք է սկսի ընդունել որոշակի բաներ, Թրամփը պատասխանել է, որ նա պետք է իրատես լինի, գրում է BBC-ի ռուսական ծառայությունը:
«Կարծում եմ՝ նա պետք է իրատես լինի։ Ես իսկապես հետաքրքրված եմ, թե որքան ժամանակ կանցնի մինչև ընտրությունները։ Այո, սա ժողովրդավարություն է։ Նրանք երկար ժամանակ ընտրություններ չեն ունեցել։ Նրանք շատ մարդկանց են կորցնում։ Եթե նայեք հարցումներին, ես կասեի, որ մարդկանց 82%-ը պահանջում է կարգավորում։ Ուկրաինացի ժողովուրդը ցանկանում է տեսնել կարգավորում»,- ասել է Թրամփը։
ԱՄՆ նախագահը նաև հավելել է, որ Ուկրաինայում «լայնածավալ կոռուպցիա է»։
«Ես ոչ մեկին չեմ քննադատում, բայց այնտեղ իսկապես լայնածավալ կոռուպցիա է։ Մարդիկ այս հարցն են տալիս՝ ե՞րբ են նրանք ընտրություններ ունենալու։ Արդյո՞ք նրանք ընտրություններ են ունենալու, թե՞ պարզապես շարունակելու են նույն ճանապարհով։ Այսպիսով, կարծում եմ՝ ժամանակն է կարգավորել այս պատերազմը։ Եվ ես կարծում եմ, որ այս պատերազմը կարող է կարգավորվել, բայց տանգո պարելու համար երկուսն են պետք»,- նշել է Թրամփը։
Ուկրաինայի նախագահ Վլադիմիր Զելենսկին ավելի վաղ հայտարարել էր, որ պատրաստ է երկրում նախագահական ընտրություններ անցկացնել, բայց դրա համար պետք է ապահովել դրանց անցկացման անվտանգությունը, ինչպես նաև փոխել Ուկրաինայի օրենսդրությունը, որն արգելում է ընտրությունները ռազմական դրության ժամանակ։
Թարգմանությունը՝ Էմմա Չոբանյանի
