09.06.2026 | 15:50
Ընտրակաշառքի համար՝ բանտ մինչև հաջորդ ընտրություններ․ Փաշինյանի հանձնարարականը․ ՏԵՍԱՆՅՈՒԹ
Համբարձում Մաթևոսյանը ՄԹ բնության նախարարին է ներկայացրել COP17-ի տարբերանշանն ու կարգախոսը
Քաղաքականություն
10.12.2025 | 22:42
ՄԱԿ-ի Շրջակա միջավայրի ասամբլեայի 7-րդ նստաշրջանի (UNEA-7) շրջանակում հանդիպում ունեցա Միացյալ Թագավորության խորհրդարանական փոխպետքարտուղար և Բնության նախարար Մերի Գրեգի հետ։ Այս մասին հայտնում է շրջական միջավայրի նախարար Համբարձում Մաթևոսյանը։
«Հանդիպման ընթացքում քննարկեցինք նախորդիվ Բրազիլիայում՝ COP30-ի շրջանակում, ինչպես նաև սեպտեմբերին Նյու Յորքում տեղի ունեցած երկկողմ հանդիպումների ընթացքում ձեռք բերված պայմանավորվածությունների իրականացման ընթացքը։
Անդրադարձանք 2026 թվականին Հայաստանում անցկացվելիք ՄԱԿ «Կենսաբազմազանության մասին» կոնվենցիայի՝ COP17 համաժողովի նախապատրաստական աշխատանքներին։ Քննարկեցինք կազմակերպչական և բովանդակային նախապատրաստական գործընթացները, համաժողովի օրակարգային հիմնական ուղղությունները, միջազգային գործընկերների ներգրավման հնարավորությունները, ինչպես նաև կենսաբազմազանության պահպանության, էկոհամակարգերի վերականգնման, ֆինանսավորման մեխանիզմների ձևավորման և կարողությունների զարգացման հարցերը։
Տիկին Գրեգին ներկայացրեցի համաժողովի արդեն պատրաստ տարբերանշանը և կարգախոսը՝ անդրադառնալով դրանց հիմքում դրված գաղափարական մոտեցումներին, որոնք արտացոլում են կենսաբազմազանության պահպանության կարևորությունը և Հայաստանի` որպես համաժողովը հյուրընկալող երկրի բնապահպանական քաղաքականության արժեքները։
Վերահաստատեցինք համագործակցության խորացման և հետագա համատեղ քայլերի ուղղությամբ մեր պատրաստակամությունը»,-նշել է նա։
