Ամերիկյան «Ինտեր Մայամիի» հարձակվող Լիոնել Մեսին ճանաչվել է MLS-ի ավարտված մրցաշրջանի ամենաարժեքավոր ֆուտբոլիստ (MVP), հաղորդում է մրցաշարի մամուլի ծառայությունը:
Աշխարհի չեմպիոն Արգենտինայի հավաքականի ավագն առաջին ֆուտբոլիստն է, ում հաջողվում է 2 տարի անընդմեջ արժանանալ այս մրցանակին։
Օրեր առաջ Մեսին «Ինտեր Մայամիի» կազմում առաջին անգամ դարձել էր MLS-ի չեմպիոն։ 38-ամյա արգենտինացին նվաճել էր կարիերայի 48-րդ տիտղոսը՝ թարմացնելով համաշխարհային ռեկորդը։ MLS-ի ավարտված մրցաշրջանում Լիոնել Մեսին մասնակցել է 34 հանդիպման, դարձել 35 գոլի ու 23 գոլային փոխանցման հեղինակ։ Նա նաև ճանաչվել էր փլեյ-օֆֆի ամենաարժեքավոր ֆուտբոլիստ։
