03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
AMD-ը պատրաստվում է ընդլայնել գործունեությունը Հայաստանում․ Մխիթար Հայրապետյանը հանդիպել է ընկերության կորպորատիվ փոխնախագահի հետ
Տնտեսություն
09.12.2025 | 22:13
Դեկտեմբերի 9-ին ՀՀ բարձր տեխնոլոգիական արդյունաբերության նախարար Մխիթար Հայրապետյանը հանդիպել է AMD ընկերության կորպորատիվ փոխնախագահ Դեն Գիբոնսին․ քննարկվել են ընկերության ծրագրերի ընդլայնումը Հայաստանում, R&D նախաձեռնությունների զարգացումը, ինչպես նաև կրթական ու ակադեմիական համագործակցության նոր հնարավորությունները։
«Ողջունելով հյուրերին` նախարար Հայրապետյանը ներկայացրել է նախարարության գործունեության հիմնական ուղղությունները, տեխնոլոգիական ոլորտում իրականացվող ծրագրերը, կարևորել AMD-ի դերը և ընդլայնվող ներկայությունը Հայաստանում։
Նախարարը ներկայացրել է նաև տեխնոլոգիական ոլորտի ներդրումային նախաձեռնությունները, որի շրջանակում քննարկվել են AMD-ի նորարարական ծրագրերն ու հետազոտությունների և փորձարարական մշակումների (R&D) ուղղությամբ իրականացվող աշխատանքները։
Դեն Գիբոնսն իր հերթին ներկայացրել է AMD-ի գործունեության հիմնական ուղղությունները և Հայաստանում ընթացող ծրագրերի ընթացքը՝ ընդգծելով ընկերության հետաքրքրվածությունը ոլորտում համագործակցության նոր հնարավորությունների ուղղությամբ։
Հանդիպման ընթացքում կողմերը քննարկել են նաև ներմուծման և արտահանման ընթացակարգերի պարզեցման, առաջադեմ տեխնոլոգիաներին հասանելիության վերաբերյալ մի շարք հարցեր։ Ուշադրություն է դարձվել համալսարանական և ակադեմիական գործընկերության զարգացմանը։ Կարևորվել են համատեղ կրթական ծրագրերի և հետազոտական նախաձեռնությունների հնարավորությունները, լաբորատոր հզորությունների աջակցման մեխանիզմները և մասնագիտական տաղանդների զարգացման ուղիները։ Այս համատեքստում ընդգծվել են այն ռազմավարական հմտությունները, որոնք կարևոր են AMD Armenia-ի հետագա զարգացման և առաջատար տեխնոլոգիական լուծումների՝ ներառյալ արհեստական բանականության և առաջադեմ սարքավորումների ներդրման համար։
Հանդիպման ավարտին կողմերը հստակեցրել են համագործակցության հաջորդ քայլերը` ամփոփելով առաջիկա գործողությունների առաջնահերթությունները»,- ասված է հաղորդագրությունում։
