10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
20 միլիոն դրամ՝ Վանաձորի ամանորյա զարդարանքի համար
Տնտեսություն
09.12.2025 | 14:54
Factor.am-ն ուսումնասիրում է հանրապետության տարբեր համայնքներում ամանորյա զարդարանքի համար հայտարարված մրցույթները, հաղթած ընկերություններն ու իրականացվող ծախսերը։
Լոռու մարզի Վանաձոր քաղաքի ամանորյա զարդարանքն այս տարի կարժենա 20 միլիոն 472 հազար դրամ։
Factor.am-ը գնումների պետական համակարգից տեղականում է, որ Ամանորի և Սուրբծննդյան միջոցառումների կազմակերպման համար Վանաձորի համայնքապետարանի աշխատակազմն էլեկտրոնային աճուրդ է հայտարարել, որի արդյունքում ընտրվել է «Նավասարդյան Դավիթ Նորայրի» ԱՁ-ն։
Անհատ ձեռնարկատերը պարտավորվել է գնել լեդ լույսեր, պատրաստել նոր մետաղական դեկորներ, վերանորոգել համայնքի ունեցած հին դեկորները, տեղադրել դեկորներ քաղաքի բոլոր հիմնական փողոցներում, ձևավորել գլխավոր տոնածառը, կամուրջներն ու հրապարակները։ Լույսերի վառման արարողության ժամանակ կազմակերպել տոնական հրավառություն 5 րոպեից ոչ պակաս տևողությամբ, հրավիրել Ձմեռ պապ, Ձյունանուշ և թվով 5 հեքիաթի հերոսներ, ապահովել DJ-ի ներկայություն և լուսային էֆեկտներ։
«Լույսերի վառման արարողության մասնակից ձմեռ պապի, ձյունանուշի և DJ-ի թեկնածությունը նախապես համաձայնեցնել Վանաձորի քաղաքի տոնական տեսքը լուսա և տեսա նկարահանելու և արխիվացնելու նպատակով ապահովել ֆոտո և տեսա նկարահանող մասնագետների առկայությունը, ինչպես նաև ապահովել անօդաչու թռչող սարքով երկնքից նկարահանումը»,- նշված է գնման պայմանագրում։
Ի դեպ, նախորդ տարի քաղաքի ամանորյա զարդարանքն արժեցել է 19 միլիոն դրամ։ Ուսումնասիրելով պայմանագիրը՝ Factor.am-ը արձանագրել է, որ անցյալ տարի ևս լույսերի ու դեկորների գնում է նախատեսված եղել։
Արփի Հակոբյան
