10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Ադրբեջանի 2026 թվականի բյուջեի նախագծում պաշտպանության ծախսերն ավելացվում են
Քաղաքականություն
09.12.2025 | 17:41
Ադրբեջանի 2026 թվականի բյուջեի նախագիծը փոփոխվել է, որոնցով ավելացվել են պաշտպանության ծախսերը։ Այս մասին այսօր Միլլի Մեջլիսի նիստում հայտարարել է Տնտեսական քաղաքականության, արդյունաբերության և ձեռներեցության հանձնաժողովի նախագահ Ազեր Ամիրսլանովը։
Նա նշել է, որ 2026 թվականի պետբյուջեի մասին օրենքի նախագծում առաջարկվում են փոփոխություններ՝ լրացուցիչ ֆինանսական կարիքը հոգալու համար, բյուջեի ընդհանուր պարամետրերը, սակայն, մնում են անփոփոխ։
Այս փոփոխությունները, մի կողմից, հաշվի են առնում բյուջետային կանոնակարգի պահանջները, մյուս կողմից՝ նախատեսված են հաջորդ տարվա պետական և համախմբված բյուջեների եկամուտների և ծախսերի շրջանակում։ Առաջարկվում է պաշտպանության, ազգային անվտանգության և ուժային ոլորտի որոշակի ծախսային հոդվածներ ավելացնել լրացուցիչ 47,8 միլիոն մանաթով։
Սննդային և պարենային անվտանգությունն ապահովելու համար լրացուցիչ 3 միլիոն մանաթ է հատկացվել կենդանիների վարակիչ հիվանդությունների դեմ պատվաստումների և հակահամաճարակային միջոցառումների համար։
Անհրաժեշտ է նաև 1,2 միլիոն մանաթ՝ առանձին պետական մարմինների գործունեությունը կազմակերպելու և նրանց լոգիստիկ աջակցությունը բարելավելու համար։ Այս ծախսերը, որոնց ընդհանուր գումարը կազմում է 52 միլիոն մանաթ, կծածկվեն պետական բյուջեի համապատասխան պահուստներից։
Պաշտպանություն և անվտանգություն համար բյուջեում հատկացվել էր 8,7 միլիարդ մանաթ (5,1 մլրդ դոլար) կամ ծախսերի 20,9%-ը։
Թարգմանությունը՝ Էմմա Չոբանյանի
