08.12.2025 | 22:18
Սևանա լճի մակարդակը դեկտեմբերի 1-7-ն իջել է 1 սմ-ով
Ադրբեջանը հետաքրքրված է հրետանային համակարգերով. Սլովակիայի նախագահը հայտարարել է Բաքվի հետ պաշտպանության ոլորտում համագործակցության մասին
Քաղաքականություն
08.12.2025 | 20:54
Սլովակիան բարձր է գնահատում Բաքվի ու Երևանի միջև խաղաղության գործընթացում ձեռք բերված առաջընթացը՝ նշելով համաձայնագրի նախաստորագրման կարևորությունը։ Այս մասին հայտարարել է Սլովակիայի նախագահ Պետեր Պելեգրինին Ադրբեջանի նախագահ Իլհամ Ալիևի հետ համատեղ մամուլի ասուլիսում, գրում են ադրբեջանական լրատվամիջոցները։
«Շատ տարիներ անց նախաստորագրվել է Ադրբեջանի և Հայաստանի միջև խաղաղության համաձայնագիրը։ Ես կցանկանայի շնորհավորել Ադրբեջանին և ադրբեջանական ժողովրդին»,- նշել է նա։
Սլովակիայի նախագահը շեշտել է, որ այժմ ուշադրության կենտրոնում կլինի հետհակամարտային շրջանը։
«Ադրբեջանը կարող է առաջատար դեր խաղալ Սլովակիայում։ Երկարաժամկետ հեռանկարում Ադրբեջանը կարող է դառնալ մեզ համար ռազմավարական գործընկեր։ Մեր պատվիրակությունները կշարունակեն բանակցությունները՝ ապահովելու, որ կարողանանք օգտագործել Ադրբեջանի էներգետիկ պաշարները։ Պաշտպանական արդյունաբերության մեջ մենք մտադիր չենք պարզապես զենք վաճառել Ադրբեջանին։ Մենք մեծ փորձ ունենք ինքնագնաց հրետանային համակարգերի և այլն սպառազինության ոլորտում։ Մենք կարող ենք աշխատել Ադրբեջանի հետ տեխնոլոգիաների փոխանցման և համատեղ արտադրության ոլորտում։ Կարող ենք մեր արտադրանքը վաճառել երրորդ երկրներին»,- ասել է նա։
Պելեգրինիի խոսքով՝ Ադրբեջանն արդեն հետաքրքրություն է հայտնել հրետանային համակարգեր ձեռք բերելու հարցում։ Սլովակիայի նախագահը հավելել է, որ այդ տեխնիկան կամրապնդի ադրբեջանական բանակի կարողությունները։
Թարգմանությունը՝ Էմմա Չոբանյանի
