02.02.2026 | 13:40
Հայաստանում սուր շնչառական վարակների դեպքերը նվազել են
ԱԱ․ Հայ բռնցքամարտիկների հաղթարշավը շարունակվում է
07.12.2025 | 11:40
Դուբայում շարունակվող աշխարհի առաջնության երրորդ մրցումային օրը ևս հաջող է ստացվել Հայաստանի հավաքականի համար։
Մեկնարկային մենամարտերում հաղթել են Դավիթ Եգորյանը (54 կգ) և Արթուր Բազեյանը (60 կգ), իսկ Վախթանգ Հարությունյանը (75 կգ) գրանցել է երկրորդ հաղթանակը։
Ավելի վաղ առաջին փուլի արգելքը հաղթահարել էին նաև Հովհաննես Բաչկովը (67 կգ), Արմեն Մաշակարյանը (67 կգ), Արարատ Հարությունյանը (71 կգ), Արտուշ Հովհաննիսյանը (80 կգ) և Նարեկ Մանասյանը (92 կգ)։
Դեկտեմբերի 7-ին ռինգ դուրս կգան Ժիրայր Սարգսյանը (57 կգ), Նարեկ Հովհաննիսյանը (63.5 կգ) Արարատ Հարությունյանը (71 կգ)։
Հայաստանի հավաքականն ԱԱ-ին մասնակցում է 14 բռնցքամարտիկով։ Աշխարհի առաջնությունը կավարտվի դեկտեմբերի 13-ին, 13 քաշային կարգում մասնակցում է 108 երկրի 428 բռնցքամարտիկ։
