29.07.2026 | 10:44
Պատգամավորի թեկնածու Արա Նախշքարյանը ձերբակալվել է ընտրակաշառքին առնչվող գործի շրջանակներում
Հրանտ-Լեոն Ռանոսը տևական ընդմիջումից հետո խաղացել է Բունդեսլիգայում․ ՏԵՍԱՆՅՈՒԹ
06.12.2025 | 14:53
Գերմանիայի Բունդեսլիգայի 13-րդ տուրում Մյոնխենգլադբախի «Բորուսիան» մրցակցի խաղադաշտում 1։0 հաշվով հաղթել է «Մայնցին»: 58-րդ րոպեին սեփական դարպասը գրավել է «Մայնցի» գերմանացի պաշտպան Դանի դա Կոստան։
Հայաստանի ազգային հավաքականի հարձակվող Հրանտ-Լեոն Ռանոսը «Բորուսիայի» կազմում փոխարինման է մտել 79-րդ րոպեին։ 22-ամյա ֆուտբոլիստը Գերմանիայի առաջնությունում նախորդ անգամ խաղադաշտ դուրս եկել էր հոկտեմբերի 5-ին։ Օրեր առաջ Ռանոսը մասնակցել էր նաև «Սանկտ Պաուլիի» դեմ գավաթային հանդիպմանը (1։2)՝ փոխարինման դուրս գալով 86-րդ րոպեին։
Այս մրցաշրջանում Հրանտ-Լեոն Ռանոսը «Բորուսիայի» կազմում անցկացրել է 8 հանդիպման ու դարձել 1 գոլի հեղինակ։ Մյոնխենգլադբախի թիմը 16 միավորով 9-րդն է Բունդեսլիգայում։
