03.04.2026 | 16:32
Սևանա լճի ափին ապօրինի շինությունների ապամոնտաժումը շարունակվում է․ քանդվել են նաև Սեյրան Օհանյանի առանձնատան հատվածներ
Հունվարի 1-ից Վրաստան մուտք գործելու համար բժշկական ապահովագրություն կպահանջվի
Քաղաքականություն
05.12.2025 | 17:14
2026 թվականի հունվարի 1-ից Վրաստանում ուժի մեջ է մտնում օտարերկրացիների համար պարտադիր բժշկական ապահովագրության թարմացված ռեժիմը, գրում է ՌԲԿ-ն:
insure.travel ապահովագրական կենտրոնի ուսումնասիրության համաձայն՝ գործող ապահովագրության բացակայությունը այժմ կլինի ոչ միայն պաշտոնական խախտում։ Խախտումները կհանգեցնեն 300 լարիի չափով տուգանքի: Միաժամանակ, առանց ապահովագրության մուտքը կարող է մերժվել:
Ապահովագրությունը պետք է ծածկի առնվազն 5,000 դոլարի չափով շտապ ամբուլատոր ծառայությունների և առնվազն 30,000 դոլարի չափով ստացիոնար բուժման ծախսերը (սա ներառում է հնարավոր վթարները, վնասվածքները, հանկարծակի հիվանդությունները և բժշկական տարհանումը):
Փաստաթուղթը պետք է տրամադրվի մուտք գործող օտարերկրացուն սահմանը հատելիս՝ Վրաստանում նրա գտնվելու ամբողջ ժամանակահատվածի համար։ Սահմանային ծառայություններն իրավունք ունեն այն պահանջել ինչպես օդանավակայաններում, այնպես էլ ցամաքային սահմանային անցակետերում։
Թարգմանությունը՝ Էմմա Չոբանյանի
