05.12.2025 | 19:13
Ադրբեջանի ընդդիմության ղեկավարը կմնա կալանքի տակ. դատարանի ճանապարհին նաև ավելի քան 20 ակտիվիստ է ձերբակալվել
Կարեն Անդրեասյանը մեկնում է Լոնդոն՝ TRIPP-ի միջպետական պայմանագրային փաթեթի մշակման նպատակով
05.12.2025 | 15:43
Միջազգային իրավական հարցերով Հայաստանի ներկայացուցիչ Կարեն Անդրեասյանը դեկտեմբերի 8-12-ը գործուղվում է Լոնդոն՝ TRIPP նախագծի միջպետական պայմանագրային փաթեթի մշակման աշխատանքները Fieldfisher LLP իրավաբանական ընկերության հետ իրականացնելու նպատակով: Որոշումը ստորագրել է Նիկոլ Փաշինյանը, այն հրապարակված է Կառավարության e-gov.am կայքում։
Որոշման համաձայն՝ Միացյալ Թագավորությունից Անդրեասյանը կմեկնի Հաագա՝ դեկտեմբերի 15-18-ը Միջազգային արդարադատության դատարանում քննվող երկու գործերի շրջանակներում ընթացակարգային հարցերի վերաբերյալ տեսակետները ներկայացնելու նպատակով:
«Միջազգային իրավական հարցերով ներկայացուցիչը գործուղումից վերադառնալուց հետո երեք աշխատանքային օրվա ընթացքում օրենսդրությամբ նախատեսված հաշվետվությունները պետք է ներկայացնի վարչապետի աշխատակազմ և Արտաքին գործերի նախարարություն»- գրված է որոշման մեջ:
