23.01.2026 | 23:21
Մասկը վերադարձել է մեծ քաղաքականություն և շարունակում է ֆինանսավորել հանրապետականներին. WSJ
Իսրայելին թույլատրվել է մասնակցել «Եվրատեսիլ 2026-ին». ի պատասխան՝ Իսպանիան, Նիդերլանդները, Իռլանդիան և Սլովենիան բոյկոտել են մրցույթը
Քաղաքականություն
05.12.2025 | 13:26
Իսպանիան, Նիդերլանդները, Իռլանդիան և Սլովենիան որոշել են բոյկոտել 2026 թվականի «Եվրատեսիլ» երգի մրցույթը՝ Իսրայելի մասնակցության պատճառով, հաղորդում է Reuters-ը։ Դեկտեմբերի 4-ին Ժնևում տեղի է ունեցել «Եվրատեսիլ» երգի մրցույթի կազմակերպիչ Եվրոպական հեռարձակողների միության (EBU) գլխավոր ասամբլեան։ Իսպանիան, Նիդերլանդները, Իռլանդիան և Սլովենիան պահանջել են գաղտնի քվեարկություն 2026 թվականին մրցույթին Իսրայելի մասնակցության վերաբերյալ, գրում է Meduza-ն։
Իսրայելին կասկածում են քվեարկության համակարգը մանիպուլացնելու և 2025 թվականի մասնակից Յուվալ Ռաֆայելին առաջ մղելու համար։ Երգչուհին 2023 թվականի հոկտեմբերին «Նովա» երաժշտական փառատոնի վրա ՀԱՄԱՍ-ի ահաբեկչական հարձակումից հետո ողջ է մնացել։
«Եվրատեսիլ 2025»-ի որոշ մասնակիցներ կարծում են, որ Իսրայելը խախտել է մրցույթի չեզոքությունն ապահովելու համար նախատեսված կանոնները։ Նրանք նաև մեջբերել են Գազայի հատվածում տեղի ունեցած պատերազմը և սպառնացել բոյկոտով, եթե Իսրայելին թույլատրվի մասնակցել 2026 թվականի մրցույթին։
Այս հարցը պառակտել է մրցույթի մասնակիցներին։ Մասնավորապես, Գերմանիան, որը «Եվրատեսիլի» գլխավոր հովանավորներից մեկն է, հայտարարել է, որ չի մասնակցի մրցույթին, եթե Իսրայելը հեռացվի մրցույթից։
Եվրոպական հեռարձակողների միությունը (EBU) որոշել է քվեարկություն չանցկացնել Իսրայելի մասնակցության վերաբերյալ՝ նշելով, որ փոխարենն ընդունել է կանոններ, որոնք ուղղված են կառավարությունների՝ մրցույթի վրա չազդելուն։
Իսրայելի նախագահ Իսահակ Հերցոգը Եվրոպական հեռարձակողների միության որոշումն անվանել է «համերաշխության, եղբայրության և համագործակցության արժեքավոր ժեստ, որը խորհրդանշում է հաղթանակ նրանց նկատմամբ, ովքեր փորձում են լռեցնել Իսրայելին»։
2025 թվականի «Եվրատեսիլ» երգի մրցույթում հաղթել է ավստրիացի երգիչ Ջեյ Ջեյը (Յոհաննես Պիչ)՝ «Wasted Love» երգով։ 2026 թվականի մրցույթն անցկացվելու է Վիեննայում՝ մայիսի 12-ից 16-ը։
Թարգմանությունը՝ Էմմա Չոբանյանի
