30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Դատարանը 3 ամսով երկարացրեց «Հայաստան» խմբակցության պատգամավոր Արթուր Սարգսյանի տնային կալանքի ժամկետը
Հասարակություն
04.12.2025 | 19:18
Դատարանը, նախագահությամբ դատավոր Կարեն Ֆարխոյանի, այսօր որոշեց «Սրբազան պայքար» շարժման գործով մեղադրյալ, ԱԺ «Հայաստան» խմբակցության պատգամավոր Արթուր Սարգսյանի նկատմամբ կիրառված տնային կալանքի ժամկետը երկարաձգել ևս երեք ամիս ժամկետով՝ մինչև 2026 թվականի մարտի 8-ը։
Սարգսյանը կալանքը պետք է կրի Երևանի այն տանը, որտեղ այժմ բնակվում է։ Տնային կալանքի ընթացքում Արթուր Սարգսյանին արգելվում է նամակագրություն, հեռախոսային խոսակցություն ունենալ, իսկ տեսակցություններ թույլատրվում է միայն ընտանիքի անդամերի, քրոջ և եղբոր ու վերջինների ընտանիքի անդամների հետ։
Հիշեցնենք, որ Արթուր Սարգսյանը, «Սրբազան պայքար» շարժման առաջնորդ Բագրատ արքեպիսկոպոս Գալստանյանն ու ևս 16 անձ դատարանում քննվող գործով մեղադրվում են իշխանությունը զավթելու և իշխանություն զավթելու հանցանքները նախապատրաստելու մեջ։
Արաքս Մամուլյան
