19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
ՌԴ Վորոնեժի մարզում ԱԹՍ-ների հարձակման հետևանքով կին է վիրավորվել
Քաղաքականություն
04.12.2025 | 12:59
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
ՌԴ Վորոնեժի մարզում դեկտեմբերի լույս 4-ի գիշերը անօդաչու թռչող սարքի հարձակման հետևանքով մի կին է վիրավորվել։ Նա հրաժարվել է հոսպիտալացումից, հայտնել է նահանգապետ Ալեքսանդր Գուսևը, գրում է Current time-ը։
Ըստ նահանգապետի՝ թաղամասերից մեկում ընկած անօդաչու թռչող սարքի բեկորները կոտրել են նույն բնակարանային շենքում գտնվող բնակարանի, մթերային խանութի և դեղատան ապակիները։ Հարևան շենքի ապակիները վնասվել են։ Բեկորներից վնասվել են նաև երկու մեքենա։
Ռուսաստանի պաշտպանության նախարարությունը հայտնել է, որ տարածաշրջանի վրա խոցվել է երեք ուկրաինական անօդաչու թռչող սարք։ Ընդհանուր առմամբ, Ռուսաստանի հակաօդային պաշտպանության ուժերը 12 տարածաշրջանների, բռնակցված Ղրիմի և Սև ծովի վրա խոցել են 76 անօդաչու թռչող սարք։
Ռուսաստանի կառավարության կողմից օկուպացված Զապորոժիեի շրջանի «ղեկավար» նշանակված Եվգենի Բալիցկին հայտարարել է, որ հարվածի հետևանքով վնասվել են էներգետիկ ենթակառուցվածքները, որի հետևանքով տարածաշրջանի հյուսիսարևմտյան մասում 2113 բաժանորդ մնացել է առանց էլեկտրաէներգիայի։ Նա գրել է, որ վերականգնողական աշխատանքները ներկայում անհնար են, քանի որ կրակոցները շարունակվում են։
Թարգմանությունը՝ Էմմա Չոբանյանի
