29.07.2026 | 12:34
ՔՊ-ին սատարելու համար 61-ամյա քաղաքացուն թիրախավորած անձի գործն ուղարկվել է դատարան
Հայ անվանի մարզիչը կընդգրկվի ԱՄՆ-ի գեղասահքի փառքի սրահում
03.12.2025 | 18:21
Մենասահքի կրկնակի օլիմպիական չեմպիոն Նեյթան Չենը և ամերիկահայ անվանի մարզիչ Ռաֆայել Հարությունյանը կընդգրկվեն ԱՄՆ-ի գեղասահքի փառքի սրահում, հաղորդում է ԱՄՆ գեղասահքի ֆեդերացիայի մամուլի ծառայությունը։
Հանդիսավոր արարողությունը կկայանա հունվարի 9-ին Սենթ Լուիսում։ 2026 թվականին ԱՄՆ գեղասահքի փառքի սրահը նշելու է 50-ամյակը։
Փառքի սրահում կընդգրկվի նաև մրցավար Ժոզեֆ Ինմանը, որը միավորների հավաքագրման ժամանակակից ծրագրի հիմնադիրներից է։
Ռաֆայել Հարությունյանը 2000 թվականից է բնակվում ԱՄՆ-ում։ Նա երկար տարիներ մարզել է Նեյթան Չենին, որը Պեկին-2022 Օլիմպիական խաղերում ոսկե մեդալակիր է դարձել մենասաքում ու թիմային պայքարում, նաև աշխարհի եռակի չեմպիոն է։ Այժմ հայ մասնագետը մարզում է նաև Իլյա Մալինին, որը 2024 ու 2025 թվականներին նվաճել է աշխարհի չեմպիոնի տիտղոսը։
