09.08.2026 | 11:33
Ահազանգ է ստացվել, որ Սևանա լճի լողափերից մեկում քաղաքացիները հեծանիվ-նավակով հեռացել են ափից և չեն կարողանում վերադառնալ․ ՆԳՆ
Դավիթ Սանասարյանը դուրս եկավ «Ժառանգությունից»․ կանդամակցի ՔՊ-ին
Քաղաքականություն
01.11.2018 | 22:17
Պետական վերահսկողական ծառայության պետ Դավիթ Սանասարյանը դուրս է եկել «Ժառանգությունից» և անդամակցելու է «Քաղաքացիական պայմանագիր» կուսակցությանը։ Այս մասին նա ասաց ֆեյսբուքյան ուղիղ եթերում։
«Արդեն 10-11 տարի անցավ այն օրից, երբ ես անդամագրվեցի «Ժառանգություն» կուսակցությանը: Բանակից հետո րավաբանական կրթություն ստացա, բայց փաստաբան չդարձա։ Հանդիպեցի Րաֆֆի Հովհաննիսյանի հետ։ Նրա շնորհիվ հասկացա, որ յուրաքանչյուր քաղաքացուց է կախված հայրենիքը: Հասկացա, որ պետք է մտնեմ քաղաքականություն ու ակտիվ գործունեություն ծավալեմ։ 2007 թվականից ի վեր «Ժառանգությունն» ինձ համար եղել է քաղաքական դպրոց, ես իմ կուսակից ընկերների հետ եղել եմ գրեթե բոլոր միջոցառումներին։ Կարող եմ հպարտանալ, որ նման պայքարող ընկերներ եմ ունեցել:
Կարող եմ այսօր շնորհակալություն հայտնել անձամբ Րաֆֆի Հովհաննիսյանին և իմ մյուս կուսակից ընկերներին: Ես օրեր առաջ դուրս եմ եկել «Ժառանգություն» կուսակցության շարքերից»,-նշեց Սանասարյանը:
