30.04.2026 | 11:17
Թրամփը սպառնում է կրճատել ամերիկյան զորքերի թիվը Գերմանիային
Չեղած բաներ չենք խոստանում․ մարդը մտնելու է Armed ու իմանա՝ որ ծառայություններից կարող է օգտվել․ Անահիտ Ավանեսյան․ ՏԵՍԱՆՅՈՒԹ
02.12.2025 | 13:30
Սա պատմական իրավական փաթեթ և համակարգ է, որովհետև, այո՛, այն համընդհանուր է, որովհետև ներառելու է Հայաստանի քաղաքացիներին, և մի երեք տարվա ընթացքում խումբ-խումբ ներառելու է բոլորին։ Այս մասին ԱԺ-ում հայտարարել է առողջապահության նախարար Անահիտ Ավանեսյանը՝ ներկայացնելով համընդհանուր առողջապական ապահովագրության ներդրում նախատեսող փաթեթը։։
«Մեր նպատակն է, որ ամեն քաղաքացի այս ապահովագրական համակարգի շնորհիվ կարողանա իրեն առաջնակի, անհրաժեշտ, կյանք փրկող, հաշմանդամությունը կանխող վիճակներում ստանա բժշկական օգնություն։ Հաջորդիվ փաթեթը և դրան հարակից բազմաթիվ ենթաօրենսդրական ակտեր արդեն նախագծերի շրջանակում պատրաստ են, և հենց օրենքն ընդունվի, կներկայացվեն կառավարության քննարկմանը և կընդունվեն։ Ծառայությունների ցանկերը հասանելի կլինեն մեր հեռախոսներում, Armed հավելվածում, որտեղ մարդը կկարողանա փնտրելով, հարցեր ուղղելով՝ գտնել իրեն անհրաժեշտ ծառայությունը, արդյո՞ք մտնում է այս փաթեթի մեջ, թե՞ չի մտնում»,- նշեց նա։
Նախարարի խոսքով՝ այսօր 400,000 հոգի՝ 65+ անձինք, չեն օգտվում պետական պատվերի ամբողջական ծառայություններից, և ապահովագրության շրջանակում է, որ նրանք ևս կարողանալու են այս ծառայություններից օգտվել։
Մանրամասները՝ տեսանյութում։
Եվգենյա Համբարձումյան
