19.05.2026 | 12:15
Երևանում խուզարկություններ են // ՀՀ-ն տեղական արտադրության զենք է արտահանել․ ԼՈՒՐԵՐ
ՌԴ Օրյոլի շրջանում ԱԹՍ-ների հարձակման հետևանքով հրդեհ է բռնկվել վառելիքաէներգետիկ համալիրի օբյեկտներում
Քաղաքականություն
02.12.2025 | 13:07
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ուկրաինական ԱԹՍ-ները դեկտեմբերի լույս 2-ի գիշերը հարձակվել են ՌԴ Օրյոլի մարզի վրա, հայտնել է նահանգապետ Անդրեյ Կլիչկովը, գրում է Meduza-ն։
Ըստ նրա՝ հարձակման հետևանքով հրդեհ է բռնկվել Լիվնիի շրջանի վառելիքաէներգետիկ համալիրի օբյեկտներում։ Նահանգապետը հայտնել է, որ ոչ ոք չի տուժել, Արտակարգ իրավիճակների նախարարությունն աշխատում է դեպքի վայրում։
Լիվնի քաղաքում է (տարածաշրջանի երկրորդ ամենաբնակեցված քաղաքը) գտնվում Լիվնիի համակցված ջերմաէլեկտրակայանը (ՋԷԿ), որը քաղաքի էլեկտրաէներգիայի և ջերմության հիմնական մատակարարն է: Հայտնի չէ՝ արդյո՞ք Լիվնիի ՋԷԿ-ն է եղել անօդաչու թռչող սարքի հարձակման թիրախը: Astra-ն նշում է, որ Լիվնիում է գտնվում նաև «Օրելնեֆտեպրոդուկտ» նավթաբազան։
Ռուսաստանի պաշտպանության նախարարությունը հայտնել է, որ գիշերը Ռուսաստանի մարզերի և Ղրիմի երկնքում ոչնչացվել է ուկրաինական 45 անօդաչու թռչող սարք։ Անօդաչուների մեծ մասը՝ 14 սարք, խոցվել է Բրյանսկի մարզի երկնքում։ Նախարարության տվյալներով՝ մեկ անօդաչու թռչող սարք է ոչնչացվել Օրյոլի մարզի երկնքում։
Ռոսավիացիան հայտնել է, որ գիշերը փակվել են Վլադիկավկազի, Գրոզնիի, Նալչիկի, Մագասի, Մախաչկալայի, Կրասնոդարի և Տամբովի օդանավակայանները։
Թարգմանությունը՝ Էմմա Չոբանյանի
